Anupambharat News Bureau
ସୋର, ୩୧ା୫ (ଅନୁପମ ମିଡିଆ): ଆଜି ମଧ୍ୟାହ୍ନରେ ସୋର ଅଞ୍ଚଳରେ ଏକ ଅଭାବନୀୟ ଘଟଣାରୁ ଗୋଟିଏ ଦମ୍ପତ୍ତିଙ୍କର ଜୀବନ ରକ୍ଷା ପାଇଯାଇଛି । ସୋର ବ୍ଲକ ମଧୁସୂଦନପୁର ପଞ୍ଚାୟତ ଅନ୍ତର୍ଗତ ବଇଁଶୀଖାର୍ଜୀ ଗ୍ରାମର ଜନୈକ ବ୍ୟକ୍ତିଙ୍କ ବାଡ଼ିରୁ ଖଜିରକୋଳି ବିଛେଇବାକୁ ମନା କରିବାରୁ ସେମାନଙ୍କ ଅନୁପସ୍ଥିତିରେ ରନ୍ଧା ଖାଦ୍ୟରେ ସେହି ଗ୍ରାମର ୨ ଜଣ ନାବାଳକ ଏକ କୁକୁଫର୍ମର ତଳି ବିଷ ଆଣି ପକେଇ ଦେଇଥିବା ବେଳେ ସ୍ୱାମୀ-ସ୍ତ୍ରୀ ଘରକୁ ଫେରି ଖାଇବା ସମୟରେ ଏକ ଉତ୍କଟ ଗନ୍ଧ ବାହାରୁଥିବା ଜାଣିପାରି ସେଥିରେ ଉତ୍କଟ ବିଷ ମିଶିଥିବା ଜାଣିପାରି ଖାଇ ନଥିଲେ ।
ଏହି ଗ୍ରାମର ରେଗା ସିଂ ଏବଂ ତାଙ୍କ ସ୍ତ୍ରୀ ଦୁଃଖି ସିଂ ସକାଳେ ସେମାନଙ୍କର ଖାଇବା ରାନ୍ଧିସାରି ତାଙ୍କ ୧୨ଜଣ ପିଲାଙ୍କ ସହିତ ବିଲକୁ କାମ କରିବାକୁ ଯାଇଥିଲେ । ଫେରିବା ପରେ ଖାଦ୍ୟରୁ ଗନ୍ଧ ବାହାରୁଥିବା ବେଳେ ନିକଟରେ ଏକ ପତ୍ର ପୁଡ଼ିଆରେ ବିଷ ଲାଗିଥିବା ଜାଣିପାରି ସେମାନେ ସନ୍ଦେହରେ ସେହି ଦୁଇ ନାବାଳକଙ୍କୁ ଧରି ପଚରାପଚରି କରିବା ପରେ ସେ ଏହି କାମ କରିଥିବା ସ୍ୱୀକାର କରିଥିଲା । ଏ ସଂପର୍କରେ ନାବାଳକଙ୍କ ପିତାମାତାଙ୍କୁ ଜଣେଇ ଗାଁରେ ଏକ ବୈଠକ ବସିଛି । ପିଲାଟି ନାବାଳକ ହୋଇଥିବାରୁ ଏହାର ସମାଧାନ କରିଦିଆଯବା ପାଇଁ ଗ୍ରାମବାସୀମାନେ ଚେଷ୍ଟା ଚଳେଇଛନ୍ତି ।
