Anupambharat News Bureau
ରାଉରକେଲା, ୨୦ା୪(ଅନୁପମ ମିଡ଼ିଆ): ସୁନ୍ଦରଗଡ଼ ଜିଲ୍ଲାରୁ ପଡୋଶୀ ଛତିଶଗଡ଼ ଓ ଝାଡ଼ଖଣ୍ଡକୁ ଯିବା ଲାଗି ଲାଗି ରହିଛି ଅନେକ ରାସ୍ତା । ଅନେକ ଗଳି ରାସ୍ତା ସହ ପାହାଡ ଉପରେ ମଧ୍ୟ ଅନେକ ରାସ୍ତା ରହିଛି । ତେବେ ଏହି ସବୁ ରାସ୍ତା ଦେଇ ରାଉରକେଲା ସମେତ ଜିଲ୍ଲାକୁ ପ୍ରତିଦିନ ସେହି ସବୁ ଅଂଚଳରୁ ଅନେକ ଲୋକ ସହରକୁ ପ୍ରବେଶ କରୁଥିବା ବେଳେ ଗତକାଲି ସୋରଡ଼ା ରାସ୍ତାକୁ ରାତି ୧୧ଟା ବେଳେ ଜିଲ୍ଲା ପ୍ରଶାସନ ବନ୍ଦ କରି ମେଡିକାଲ ଟିମ ଦ୍ୱାରା ଯାତାୟତ କରୁଥିବା ଲୋକଙ୍କୁ ପରିକ୍ଷା କରାଯାଇ ଛଡା ଯାଉଥିବା ଜଣାପଡିଛି । ଏହାର ୪ରୁ ୫ ଦିନ ପୂର୍ବରୁ ଜରେଇକେଲା ରାସ୍ତାକୁ ମହିପାଣି ଠାରେ ସିଲ୍ କରାଯାଇଥିଲା । ତେବେ ପଡୋଶି ଛତିଶଗଡ଼ ଓ ଝାଡ଼ଖଣ୍ଡକୁ ଯିବା ପାଇଁ ରାଉରକେଲାରୁ ରହିଛି ଅନେକ ରାସ୍ତା । ବୀରମିତ୍ରପୁର, ବିଶ୍ରା, ନୂଆଗାଁ ସମେତ ହୁରଦା, ନୂଆଗାଁ ପଟେ ଥିବା ଏକ ପାହାଡ଼ ରାସ୍ତା ଜାହାଡା ଟୋଲୀ ଭଳି ଅନେକ ରାସ୍ତା ରହିଛି । ଲୋକେ ମୋଟର ସାଇକେଲ, କାରରେ ପ୍ରତି ମୁହୁର୍ତରେ ସହରର ଆଖପାକ ଅଂଚଳକୁ ପ୍ରବେଶ କରୁଛନ୍ତି ।
