Anupambharat News Bureau
ୱାସିଂଟନ୍: ଆମେରିକା ସେନାର ଏୟାର ଷ୍ଟ୍ରାଇକରେ ଇରାନର ରିଭୋଲ୍ୟୁସନାରୀ ଗାର୍ଡର କମାଣ୍ଡର ମେଜର ଜେନେରାଲ କସିମ ସୁଲେମାନୀଙ୍କର ମୃତ୍ୟୁ ଘଟିଛି । ଇରାକର ବାଗଦାଦ ଅନ୍ତର୍ଜାତୀୟ ବିମାନ ବନ୍ଦରକୁ ଯାଉଥିବା ବେଳେ ଆମେରିକା ସେନା ଏୟାର ଷ୍ଟ୍ରାଇକ କରିବାରୁ ତାଙ୍କର ମୃତ୍ୟୁ ଘଟିଛି ।
ସୁଲେମାନୀ ନିଜର ପ୍ରୋଟୋକଲ ସହିତ ବିମାନବନ୍ଦରକୁ ଯାଉଥିବାବେଳେ ଆମେରିକା ଏହି ଦୁଃସାହାସିକ ପଦକ୍ଷେପ ଗ୍ରହଣ କରିଛି । ଏଥିରେ ସୁଲେମାନୀଙ୍କ ସମେତ ମୋଟ ୭ ଜଣଙ୍କର ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଇରାକର ପପୁଲାର ମୋବିଲାଇଜେସନ ଫୋର୍ସର ଡେପୁଟି କମାଣ୍ଡର ଆବୁ ମେହଦି ଅଲ ମୁହାଁନ୍ଦିସର ମଧ୍ୟ ରହିଛନ୍ତି ।
ଏଭଳି ଆକ୍ରମଣ ଆମେରିକା ରାଷ୍ଟ୍ରପତି ଡୋନାଲï ଟ୍ରମ୍ପଙ୍କ ନିର୍ଦ୍ଦେଶ କ୍ରମେ ହୋଇଛି ବୋଲି ପେଣ୍ଟାଗନ ପକ୍ଷରୁ ସ୍ପଷ୍ଟ କରାଯାଇଛି । ଅନ୍ୟପଟେ ଆମେରିକାର ଏଭଳି ପଦକ୍ଷେପକୁ ଇରାନ ନାପସନ୍ଦ କରିଛି । ଆମେରିକାର ଏଭଳି କାମ ଆତଙ୍କବାଦୀ କାର୍ଯ୍ୟକଳାପ ସହିତ ସମାନ ବୋଲି ଇରାନର ବୈଦେଶିକ ମନ୍ତ୍ରୀ ଜୱାଦ ଜରିଫ କହିଛନ୍ତି ।
ଆଗାମୀ ଦିନରେ ଆମେରିକାକୁ ଏହାର ପରିଣାମ ଭୋଗିବାକୁ ପଡ଼ିପାରେ ବୋଲି ସେ ଚେତାବନୀ ଦେଇଛନ୍ତି । ତେବେ ଆମେରିକା କାହିଁକି ଇରାନର ମେଜର ଜେନେରାଲଙ୍କ ଉପରେ ଆକ୍ରମଣ କରିଛି ତାହା ଏକ ବଡ଼ ପ୍ରଶ୍ନ । ମେଜର ଜେନେରାଲ କସିମ ସୁଲେମାନୀ ଇରାନର ରିଭୋଲ୍ୟୁସନାରୀ ଗାର୍ଡର କମାଣ୍ଡର ।
ବିଦେଶରେ ଇରାନର ସମସ୍ତ ଗତିବିଧି ଉପରେ ନଜର ରଖୁଥିବା କଦସ ଫୋର୍ସର ମୁଖିଆ ଥିଲେ ସୁଲେମାନୀ । ପଶ୍ଚିମ ଏସିଆରେ ଇରାନ ଦ୍ୱାରା ନିଆଯାଉଥିବା ସମସ୍ତ ନିଷ୍ପତ୍ତି ସୁଲେମାନୀ ହିଁ ନେଉଥିଲେ । ଆମେରିକା ସୁଲେମାନୀଙ୍କୁ ଜଣେ ପ୍ରମୁଖ ଶତ୍ରୁ ଭାବରେ ଟାର୍ଗେଟ କରିଥିଲା । ଏଥିପାଇଁ ଆମେରିକା ସେନା ଓ ଗୁଇନ୍ଦା ଦୀର୍ଘ ଦିନ ହେବ ସୁଲେମାନୀଙ୍କ ପଛରେ ପଡ଼ିଥିଲା । ଇରାକର କିଛି ଜାଗା ଇରାନ ଅଧୀନରେ ରହିଛି । ଏହି ଜାଗାର ପରିଚାଳନା ଦାୟିତ୍ୱରେ ଥିଲେ ସୁଲେମାନୀ । ବାଗଦାଦକୁ ଇସଲାମିକ ଷ୍ଟେଟର ଆତଙ୍କୀଙ୍କ ପାଖରୁ ସୁରକ୍ଷା ଦେବା ପାଇଁ ସୁଲେମାନୀଙ୍କ ନେତୃତ୍ୱରେ ଇରାନ ସମର୍ଥକ ଏକ ସଶସ୍ତ୍ର ଫୋର୍ସ ଗଠନ କରିଥିଲେ ।
ଯାହାର ନାମ ଥିଲା ପପୁଲାର ମୋବିଲାଇଜେସନ ଫୋର୍ସ । ୧୯୮୦ରେ ଇରାନ ଏବଂ ଇରାକ ମଧ୍ୟରେ ଯୁଦ୍ଧ ହୋଇଥିଲା । ଏଥିରେ ଆମେରିକାର ମଧ୍ୟ ଭୂମିକା ଥିଲା । ଏହି ଯୁଦ୍ଧରେ ଆମେରିକା ଇରାକର ତାନାଶାହ ସଦ୍ଦାମ ହୁସେନଙ୍କୁ ସହଯୋଗ କରିଥିଲା । ଇରାକ ଏବଂ ସିରିଆରେ ଇସଲାମିକ ଷ୍ଟେଟ ଭଳି ଆତଙ୍କବାଦୀ ସଂଗଠନ ସହିତ ମୁକାବିଲା କରିବା ପାଇଁ ସୁଲେମାନୀ ମାନବ ସମ୍ବଳ ପାଖରୁ ଆରମ୍ଭ କରି ଅସ୍ତ୍ରଶସ୍ତ୍ର ଯୋଗାଡ଼ କରୁଥିଲେ । ଇରାକରେ ଇରାନ ସମର୍ଥକ ରହି ପପୁଲାର ମୋବିଲାଇଜେଶନ ଫୋର୍ସ ତିଆରି କରୁଥିଲେ ।
ଏବେ ସୁଲେମାନୀଙ୍କ ମୃତ୍ୟୁ ପରେ ଏହି ସଂଗଠନକୁ ଏକ ବଡ଼ ଝଟକା ଲାଗିଛି । ସୁଲେମାନୀ ହିଜବୁଲ, ଫିଲିସ୍ତାନରେ ସକ୍ରିୟ ଆତଙ୍କବାଦୀ ସଂଗଠନକୁ ମଧ୍ୟ ସମର୍ଥନ କରୁଥିଲେ । ଏମିତିକି ସିରିଆର ବଶର ଅଲ-ଅସଦ ସରକାରର ସମର୍ଥନ ସୁଲେମାନୀଙ୍କ ସମର୍ଥନରେ ଥିଲା । ନିକଟରେ ଇରାକର ବାଗଦାଦରେ ଥିବା ଆମେରିକାର ଦୂତବାସ ଉପରକୁ ଇରାନ ମିଲିଶିଆ ସମର୍ଥନରେ ଆକ୍ରମଣ କରିଥିଲା ।
ତେଣୁ ଆମେରିକା ଏଭଳି ଆକ୍ରମଣ କରିଛି ବୋଲି ଆଲୋଚନା ହେଉଛି । ସେତେବେଳେ ଆମେରିକାର ପ୍ରତିରକ୍ଷା ମନ୍ତ୍ରୀ ମାର୍କ ଏମ୍ପୟର କହିଥିଲେ, ଏବେ ସ୍ଥିତି ବଦଳିଯାଇଛି । ଆମେରିକା ଏୟାର ଷ୍ଟ୍ରାଇକ୍ରେ ଇରାନ କୁର୍ଦ ସେନାର ମେଜର ଜେନେରାଲ କସିମ ସୁଲେମାନୀଙ୍କ ମୃତ୍ୟୁ ଘଟିଛି । ଏବେ ଏହାର ପ୍ରତିଶୋଧ ନେବାକୁ ଇରାନ ପଣ କରିଛି । ଆମେରିକା କରିଥିବା ଭୁଲର ପରିଣତି ଭୟଙ୍କର ହେବ ବୋଲି ଇରାନ ପକ୍ଷରୁ କୁହାଯାଇଛି ।
ଇରାନର ସୁପ୍ରିମ ଲିଡର ଅୟୋତୋଲ୍ଲା ଅଲୀ ଖାମେନେଇ ଆମେରିକା ଉପରେ ଭୟଙ୍କର ଢଙ୍ଗରେ ପ୍ରତିଶୋଧ ନିଆଯିବ ବୋଲି କହିଛନ୍ତି । ସେ କହିଛନ୍ତି, ଏବେ ଦୁଇଗଣ ଭାବେ ସମସ୍ତଙ୍କୁ ନେଇ ଆକ୍ରମଣ କରାଯିବ । ଆମେ ଜାଣିଛୁ, ଆମେ ନିଶ୍ଚିତ ବିଜୟୀ ହେବୁଛ ଏବେ ଜେନେରାଲଙ୍କ ମୃତ୍ୟୁରେ ସମସ୍ତେ ୩ ଦିନିକିଆ ଶୋକ ପାଳନ କରିବେ । ଇରାନ ରାଷ୍ଟ୍ରପତି ହାସନ ରୋହାନୀ କହିଛନ୍ତି, ଏଭଳି ଘଟଣା ଇରାନ ଓ ଆମେରିକା ମଧ୍ୟରେ ତିକ୍ତତାକୁ ଆହୁରି ବଢ଼ାଇଛି । ଇରାନର ରେଭ୍ୟୁଲେସନାରୀ ଗାର୍ଡ ପକ୍ଷରୁ କୁହାଯାଇଛି ଯେ ସମସ୍ତ ମୁସଲିମ ୱାର୍ଲïରେ ଥିବା ଆମେରିକା ବିରୋଧୀ ଫୋର୍ସ ଗୁଡ଼ିକ ଏବେ ପ୍ରତିଶୋଧ ନେବାକୁ ଉଦ୍ୟମ କରିବେ ।
ଏସବୁକୁ ଦୃଷ୍ଟିରେ ରଖି ଆମେରିକା ଓ ଇସ୍ରାଏଲରେ ହାଇଆଲର୍ଟ ଜାରି କରାଯାଇଛି । କାରଣ ସୁଲେମାନୀଙ୍କ ପକ୍ଷରୁ ଇସ୍ରାଏଲକୁ ମଧ୍ୟ ବିପଦ ରହିଥିଲା । ଇସ୍ରାଏଲ ତାଙ୍କୁ ଖତମ କରିବାକୁ ମଧ୍ୟ ଅନେକ ଥର ଉଦ୍ୟମ କରିଛି । ଉଲ୍ଲେଖଥାଉକି, ଆମେରିକା ରାଷ୍ଟ୍ରପତି ଡୋନାଲï ଟ୍ରମ୍ପଙ୍କ ନିର୍ଦ୍ଦେଶକ୍ରମେ ଇରାକରେ ଆମେରିକା ଏୟାର ଷ୍ଟ୍ରାଇକ କରିଛି ।
ଗତକାଲି ବିଳମ୍ବିତ ରାତିରେ ଆମେରିକା ସେନା ଅତର୍କିତ ଭାବରେ ଇରାକରେ ଏହି ଏୟାର ଷ୍ଟ୍ରାଇକ କରିଛି । ଏଥିରେ ଇରାନର ରିଭୋଲ୍ୟୁସନାରୀ ଗାର୍ଡର କମାଣ୍ଡର ମେଜର ଜେନେରାଲ କସିମ ସୁଲେମାନୀଙ୍କର ମୃତ୍ୟୁ ହୋଇଛି । ଏ ନେଇ ଟ୍ରମ୍ପ ଆମେରିକାର ଜାତୀୟ ପତାକାକୁ ଟୁଇଟ୍ କରି ତାଙ୍କ ନିର୍ଦ୍ଦେଶରେ ଏହି ଆକ୍ରମଣ ହୋଇଥିବା ସେ ଇଙ୍ଗୀତ କରିଛନ୍ତି । ସୁଲେମାନ ଇରାକର ବାଗଦାଦ ବିମାନ ବନ୍ଦର ନିକଟକୁ ନିଜର ପ୍ରଟୋକଲ ସହିତ ଯାଉଥିବା ବେଳେ ଆମେରିକା ହଠାତ୍ ଏୟାର ଷ୍ଟ୍ରାଇକ୍ କରିଥିଲା । ଏଥିରେ ସୁଲେମାନଙ୍କ ସମେତ ମୋଟ ୭ ଜଣଙ୍କର ମୃତ୍ୟୁ ଘଟିଛି । ଏ ନେଇ ଇରାନର ସରକାରୀ ଟିଭି ଚ୍ୟାନେଲ ସ୍ପଷ୍ଟ କରିଛି । ମୃତକଙ୍କ ମଧ୍ୟରେ ଇରାକର ପପୁଲାର ମୋବଲାଇଜେଶନ ଫୋର୍ସର ଡେପୁଟି କମାଣ୍ଡର ଅବୁ ମେହଦି ଅଲ ମୁହାଁନ୍ଦିସର ମଧ୍ୟ ମୃତ୍ୟୁ ଘଟିଛି । ନିକଟରେ ବାଗଦାଦରେ ଥିବା ଆମେରିକାର ଦୂତବାସ ଉପରକୁ ଇରାନ ମିଲିଶିଆ ସମର୍ଥନରେ ଆକ୍ରମଣ କରିଥିଲା । ତେଣୁ ଆମେରିକା ଏଭଳି ଆକ୍ରମଣ କରିଛି ବୋଲି ଆଲୋଚନା ହେଉଛି । ଅନ୍ୟପଟେ ଆମେରିକାର ଏଭଳି ପଦକ୍ଷେପକୁ ଇରାନ ନାପସନ୍ଦ କରିଛି । ଆମେରିକାର ଏଭଳି କାମ ଆତଙ୍କବାଦୀ କାର୍ଯ୍ୟକଳାପ ସହିତ ସମାନ ବୋଲି ଇରାନର ବୈଦେଶିକ ମନ୍ତ୍ରୀ ଜୱାଦ ଜରିଫ କହିଛନ୍ତି । ଆଗାମୀ ଦିନରେ ଆମେରିକାକୁ ଏହାର ପରିଣାମ ଭୋଗିବାକୁ ପଡ଼ିପାରେ ବୋଲି ସେ ଚେତାବନୀ ଦେଇଛନ୍ତି । ସୁଲେମାନୀ ପଶ୍ଚିମ ଏସିଆର ଇରାନର ସମସ୍ତ ଗତିବିଧି ଉପରେ ନଜର ରଖୁଥିଲା । ପଶ୍ଚିମ ଏସିଆରେ ଇରାନର ସମସ୍ତ ପଦକ୍ଷେପ ବାବଦରେ ସୁଲେମାନୀ ହିଁ ରଣନୀତି ପ୍ରସ୍ତୁତ କରୁଥିୁଲା । ସୁଲେମାନୀ ସିରିଆ ଏବଂ ଇସ୍ରାଏଲରେ ରକେଟ ସାହାଯ୍ୟରେ ଆକ୍ରମଣ କରିଥିବାର ଅଭିଯୋଗ ରହିଛି । ଦୀର୍ଘଦିନ ହେବ ଆମେରିକା ସୁଲେମାନୀକୁ ଖୋଜୁଥିଲା । ଆମେରିକାର ଏଭଳି ପଦକ୍ଷେପ ଆଗାମୀ ଦିନରେ ପଶ୍ଚିମ ଏସିଆରେ ସ୍ଥିତି ଜଟିଳ କରିପାରେ ।
ଆଗାମୀ ଦିନରେ ଆମେରିକାକୁ ଏହାର ପରିଣାମ ଭୋଗିବାକୁ ପଡ଼ିପାରେ ବୋଲି ସେ ଚେତାବନୀ ଦେଇଛନ୍ତି । ତେବେ ଆମେରିକା କାହିଁକି ଇରାନର ମେଜର ଜେନେରାଲଙ୍କ ଉପରେ ଆକ୍ରମଣ କରିଛି ତାହା ଏକ ବଡ଼ ପ୍ରଶ୍ନ ବୋଲି ଏବେ ଆମେରିକା ଉପରେ ଚାପ ପଡିବ ।
