Anupambharat News Bureau
ନୂଆଦିଲ୍ଲୀ, କାଜାଖାସ୍ତାନର ଆଲ୍ମାଟି ଇଣ୍ଟରନ୍ୟାସନାଲ୍ ଏୟାରପୋର୍ଟରେ ଏକ ବିମାନ ଫକର -୧୦୦ ଉଡ଼ାଣ ଆରମ୍ଭ କରିବା ମାତ୍ର କିଛି ମିନଟ୍ ପରେ ଦୁର୍ଘଟଣା ଘଟି ଭୂତଳ କୋଠାରେ ପଡ଼ିଥିବା ଯୋଗୁଁ ଅତିକମ୍ରେ ୧୪ଜଣ ଲୋକ ପ୍ରାଣ ହରାଥିବା ବେଳେ ୩୫ରୁ ଊର୍ଦ୍ଧ୍ୱ ଲୋକ ଗୁରୁତର ଆହତ ହୋଇଛନ୍ତି । ବିମାନଟି କାଜାଖାସ୍ତାନର ରାଜଧାନୀ ନଗରୀ ନୁର ସୁଲତାନକୁ ଉଡ଼ାଣ କରୁଥିବା ବେଳେ ଏହା ହଠାତ୍ ଉଡ଼ାଣ ଆରମ୍ଭ କରିବାର ମାତ୍ର କିଛି ମିନିଟ୍ ପରେ ଯାନ୍ତ୍ରିକ ତ୍ରୁଟି ଯୋଗୁଁ ନଗରୀର କେତେକ କୋଠାରେ ଦୁର୍ଘଟଣା ଘଟି ପଡ଼ି ଯାଇଥିଲା । ଘଟଣାସ୍ଥଳକୁ କୌଣସି ଅଗ୍ନିଶମ ବିଭାଗ ଏବଂ ଉଦ୍ଧାରକାରୀ ଦଳ ହଠାତ୍ ପହଞ୍ଚିପାରିନଥିଲେ । ଏଣୁ ଏହି ମଧ୍ୟମ କ୍ଷମତା ବିଶିଷ୍ଟ ଟର୍ବୋ ଫ୍ୟାନ୍ ଜେଟ୍ ଏୟାର ଲାଇନର କ୍ଷତିଗ୍ରସ୍ତ ହୋଇଛି । ଘଟଣାର ତଦନ୍ତ ଆରମ୍ଭ ହୋଇଛି । ମୃତକ ମାନଙ୍କର ପରିଚୟ ସ୍ପଷ୍ଟ କରାଯାଇ ନାହିଁ । ଗୁରୁତରଙ୍କୁ ହସ୍ପିଟାଲ୍ରେ ଭର୍ତ୍ତି କରି ଚିକିତ୍ସା କରାଯାଉଛି । ଉକ୍ତ ବିମାନରେ କିଛି ଭାରତୀୟ ଅଛନ୍ତି କି ନାହିଁ ତାହା ମଧ୍ୟ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ପାରି ନାହିଁ । ଆଲ୍ମାଟି ନଗରୀରେ ଏନେଇ ଯାତ୍ରୀ ମାନଙ୍କ ନିକଟରେ ଭିଡ଼ ଦେଖିବାକୁ ମିଳିଛି ।
