Anupambharat News Bureau
ନୂଆଦିଲ୍ଲୀ: ବହୁ ପ୍ରତିକ୍ଷୀତ ଭାରତ-ପାକିସ୍ତାନ କର୍ତ୍ତାରପୁର କରିଡରର ଉ“ାଟନ କରିବେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପାକିସ୍ତାନରେ ଥିବା ଶ୍ରୀ କର୍ତ୍ତାପୁର ସାହିବ ଯିବା ପାଇଁ ନିର୍ମାଣ କର୍ତ୍ତାରପୁର କରିଡରକୁ ଭାରତୀୟ ସୀମାରେ ଶ୍ରଦ୍ଧାଳୁଙ୍କ ପାଇଁ ଖୋଲିବେ ।
କେନ୍ଦ୍ରମନ୍ତ୍ରୀ ହର୍ସିମିତ କୌର ଟ୍ୱିଟ କରି ସୂଚନା ଦେଇଛନ୍ତି । ସେ କହିଛନ୍ତି, ପ୍ରଧାନମନ୍ତ୍ରୀ ମୋଦି ଭାରତୀୟ ସୀମାରେ ଥିବା ଇଣ୍ଟିଗ୍ରେଟେଡ୍ ଚେକ୍ ପୋଷ୍ଟକୁ ଉଦ୍ଘାଟନ କରିବେ । ଗୁରୁ ନାନକଜୀଙ୍କ ଆଶୀର୍ବାଦ ଯୋଗୁ ଏହା ସମ୍ଭବ ହୋଇଛି । କର୍ତ୍ତାରପୁର କରିଡର ଯୋଗୁ ଶ୍ରଦ୍ଧାଳୁମାନେ ଏବେ ବେଶ ଆରାମରେ ଶ୍ରୀ କର୍ତ୍ତାରପୁର ସାହିବଙ୍କ ଦର୍ଶନ କରିପାରିବେ ।
ତାହା ଏବେ ବାସ୍ତବ ରୂପ ନେବାକୁ ଯାଉଛି । କଂଗ୍ରେସ ଯେଉଁ ଭୁଲ କରିଥିଲା ମୋଦି ତା’କୁ ଠିକ୍ କରିଛନ୍ତି । ଗତ ସପ୍ତାହରେ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ରାଷ୍ଟ୍ରପତି ରାମନାଥ କୋବିନ୍ଦ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଗୁରୁ ନାନକ ଦେବଙ୍କ ୫୫୦ ତମ ପ୍ରକାଶ ପୂର୍ବ ଉତ୍ସବରେ ସାମିଲ ହେବାକୁ ନିମନ୍ତ୍ରଣ କରିଥିଲେ । ଏଥିସହ ଐତିହାସିକ କର୍ତ୍ତାରପୁର କରିଡର ଉଦ୍ଘାଟନ ଉତ୍ସବ ପାଇଁ ମଧ୍ୟ ନିମନ୍ତ୍ରଣ କରିଥିଲେ । ପାକିସ୍ତାନର ନରୱାଲା ଜିଲ୍ଲାରେ କର୍ତ୍ତାରପୁର ସାହିବ ଅବସ୍ଥିତ । ଡେରା ବାବା ନାନକ ପୀଠ ଠାରୁ ଏହା ୪ କିମି ଦୂର । ଗତ ନଭେମ୍ବର ମାସରେ ଭାରତ ଓ ପାକିସ୍ତାନ କର୍ତ୍ତାରପୁର କରିଡର ର୍ନିମାଣ କରିବାକୁ ନିଷ୍ପତ୍ତି ନେଇଥିଲେ ।
