ଭୋପାଲରେ ବସ୍ ଦୁର୍ଘଟଣା ‌, ୩୮ ମୃତ

February 16, 2021, ଦେଶ, , Anupambharat News Bureau


ଭୋପାଲରେ ବସ୍ ଦୁର୍ଘଟଣା ‌, ୩୮ ମୃତ
Anupambharat News Bureau
February 16, 2021


ଭୋପାଲ: ମଧ୍ୟପ୍ରଦେଶରେ ଏକ ଯାତ୍ରୀବାହୀ ବସ୍‌ କେନାଳକୁ ଖସି ପଡିଛି। ମଧ୍ୟପ୍ରଦେଶ ରିୱା-ସିଦ୍ଧିସୀମା ନିକଟସ୍ଥ ଛୁହିୟାଘାଟି ନିକଟରେ ଏହି ଦୁର୍ଘଟଣା ଘଟିଛି। କେନାଲରୁ ବର୍ତ୍ତମାନ ଯାଏଁ ୩୮ଜଣଙ୍କ ମୃତଦେହ ଉଦ୍ଧାର କରାଯାଇଥିବାବେଳେ ଏବେବି ଆହୁରି ବହୁ ଯାତ୍ରୀ ନିଖୋଜ ଅଛନ୍ତି। ଘଟଣାସ୍ଥଳରେ ଏସଡିଆରଏଫ୍‌ ଟିମ୍‌ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। ସେହିପରି ୭ଜଣ ଯାତ୍ରୀ ପହଁରି ଜୀବିତ କୂଳକୁ ଆସିଛନ୍ତି। ଆଜି ସାକାଳୁ ବସ୍‌ଟି ମଧ୍ୟପ୍ରେଦଶର ସିଦ୍ଧି ଜିଲ୍ଲାରୁ ସତନାକୁ ଯାଉଥିବା ବେଳେ ଡ୍ରାଇଭର ଭାରସାମ୍ୟ ହରାଇଥିଲେ। ଫଳରେ କେନାଲକୁ ଖସିପଡିଥିଲା ବସ୍‌। ଏଥିରେ ମୋଟ ୫୪ ଯାତ୍ରୀ ଥିଲେ। ଖବର ପାଇ ପୁଲିସ ଓ ଏସଡିଆର୍‌ଏଫ୍‌ ଟିମ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି। ସେପଟେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହନା ଏହି ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି। ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ଆର୍ଥିକ ସହାୟତା ଘୋଷଣା କରିଛନ୍ତି। ଅଧିକାରୀଙ୍କ ସହ ଆଲୋଚନା କରିବା ପରେ ବାଣସାଗର ଡ୍ୟାମରୁ କେନାଲକୁ ଆସୁଥିବା ପାଣି ଅଟକାଇବା ପାଇଁ ନିର୍ଦ୍ଦେଶ ଦେଇଛନ୍ତି। ପାଣି କମିଲେ ଉଦ୍ଧାର କାର୍ଯ୍ୟ ଶୀଘ୍ର ହୋଇପାରିବ ବୋଲି ସେ କହିଛନ୍ତି। ତେବେ ଏହି ଦୁର୍ଘଟଣା ଯୋଗୁଁ ଗୃହପ୍ରେବଶ କାର୍ଯ୍ୟକ୍ରମକୁ ମୁଖ୍ୟମନ୍ତ୍ରୀ ସ୍ଥଗିତ କରିଛନ୍ତି। ଘଟଣାସ୍ଥଳରେ ଜିଲ୍ଲାପାଳ, ଏସ୍‌ପି, ଏସ୍‌ଡିଆରଏଫ୍‌ର ଏକ ଟିମ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି। ସେହିପରି ପ୍ରାଥମିକ ଚିକିତ୍ସା ପାଇଁ ଡାକ୍ତର ଏବଂ ଆମ୍ବୁଲାନ୍ସ ମଧ୍ୟ ଉପସ୍ଥିତ ଅଛି। ବସ୍‌କୁ କେନାଲ ଭିତରୁ ବାହାର କରିବା ପାଇଁ ପ୍ରୟାସ ଚାଲିଛି ବୋଲି ମୁଖ୍ୟମନ୍ତ୍ରୀ ଶିବରାଜ ସିଂହ କହିଛନ୍ତି।





Back to Previous Page

<< ପୂର୍ବ ଖବର ପରବର୍ତ୍ତୀ ଖବର >>
କେଜ୍‌ରିୱାଲଙ୍କ ଝିଅଙ୍କୁ ଠକିବା ଅଭିଯୋଗରେ ୩ ଗିରଫ

କେଜ୍‌ରିୱାଲଙ୍କ ଝିଅଙ୍କୁ ଠକିବା ଅଭିଯୋଗରେ ୩ ଗିରଫ

Read More...

ଆଜି ରଥକାଠ ଅନୁକୂଳ

ଆଜି ରଥକାଠ ଅନୁକୂଳ

Read More...


ଅନୁପମ ଭାରତ ଇ-ପେପର୍



ଅନୁପମଭାରତ ଆପ୍:

Android app Download!

ବିଜ୍ଞାପନ







ସମ୍ପାଦକଙ୍କୁ ପତ୍ର :

Type the above number:





ସାଇଟ୍ ଦର୍ଶକ :

Hit Web Stats
<>

ଯୋଗାଯୋଗ :

Facebook Page Twitter Page YouTube Page Instagram Page