Anupambharat News Bureau
ଭୁବନେଶ୍ୱର, ୧୨ା୮(ଅନୁପମ ମିଡ଼ିଆ): ସ୍ୱାଧୀନତା ଦିବସ ଅବସରରେ ଆଗାମୀ ୧୫ ତାରିଖ ଦିନ ଗଞ୍ଜାମ, ଗଜପତି, କଟକ, ଖୋର୍ଦ୍ଧା ଜିଲ୍ଲା ଓ ରାଉରକେଲା ସହରରେ ସଟ୍ଡାଉନ୍ କଟକଣା ସାମାନ୍ୟ କୋହଳ କରାଯିବ । ସ୍ୱତନ୍ତ୍ର ରିଲିଫ କମିସନରଙ୍କ ତରଫରୁ ଏ ସମ୍ପର୍କରେ ବିଧିବଦ୍ଧ ବିଜ୍ଞପ୍ତି ଜାରି କରି ଏହି ସୂଚନା ଦିଆଯାଇଛି ।
ବିଜ୍ଞପ୍ତିରେ କୁହାଯାଇଛି ଯେ, ୧୫ ତାରିଖ ଦିନ ୧୧ ଟା ଯାଏଁ ଏହି ୪ଟି ଜିଲ୍ଲା ଓ ରାଉରକେଲାବାସୀ ନିଜ ଅଞ୍ଚଳରେ ଜାତୀୟ ପତାକା ଉତ୍ତୋଳନ କରିପାରିବେ । ହେଲେ ପତାକା ଉତ୍ତୋଳନ ସମୟରେ କୋଭିଡ କଟକଣାକୁ ମାନିବାକୁ ପଡ଼ିବ । ବିଜ୍ଞପ୍ତିରେ କୁହାଯାଇଛି ଯେ, ସଟ୍ଡାଉନ୍ କଟକଣା ସହିତ ପତାକା ଉତ୍ତୋଳନ କରିହେବ । କି;ୁ ଏହି ସମୟରେ କେବଳ ୧୦ ଜଣରୁ ଅଧିକ ଲୋକ ଉପସ୍ଥିତ ରହିପାରିବେ ନାହିଁ । ମାସ୍କ ପିନ୍ଧିବା ଓ ସାମାଜିକ ଦୂରତ୍ୱକୁ ଗୁରୁତ୍ୱ ଦିଆଯିବ । ସେହିଭଳି ଉତ୍ସବସ୍ଥଳକୁ ଭଲଭାବରେ ସାନିଟାଇଜ କରାଯିବ ବୋଲି ଉଲ୍ଲେଖ କରାଯାଇଛି ।
