Anupambharat News Bureau
କେନ୍ଦୁଝର,୧୬ା୫ (ଅନୁପମ ମିଡିଆ): ଝୁମ୍ପୁରା ବ୍ଲକ କାର୍ଯ୍ୟାଳୟ ନିକଟସ୍ଥ କେନାଲ ଛକ ରାସ୍ତା ଉପରୁ ୧୫ ତାରିଖ ରାତ୍ରୀ ୧୦ଟା ସମୟରେ ବନ୍ଧୁକ ଦେଖାଇ ୧ଲକ୍ଷ ୪୦ ହଜାର ଟଙ୍କା ଦୁବୁର୍ତ୍ତ ମାନେ ଲୁଟି ନେଇଥିବା ଜଣାଯାଇଛି । ସୂଚନା ଅନୁଯାୟୀ କେନାଲ ଛକ ଠାରୁ ୧ କି.ମି ଦୂରରେ ଥିବା ବିଦେଶୀ ମଦ ଦୋକନର ସେଲସମ୍ୟାନ ସଞ୍ଜୟ କୁମାର ସାହୁ ଟଙ୍କା ବ୍ୟାଗ ଧରି ଅନ୍ୟ ଜଣଙ୍କ ସହିତ ବାଇକ ଯୋଗେ ଯାଉଥିବାବେଳେ ଛକ ନିକଟରେ ୨ ଟି କଳା ପଲସର ବାଇକରେ ୫ ଜଣ ଦୁବୃର୍ତ୍ତ ସେମାନଙ୍କୁ ଅଟକାଇ ଟଙ୍କା ବ୍ୟାଗ ଛଡାଇଥିଲେ । ଦୁବୃର୍ତ୍ତଙ୍କ ସହିତ ସଞ୍ଜୟଙ୍କ ଧସ୍ତା ଧସ୍ତି ମଧ୍ୟ ହୋଇଥିଲା । ଦୁବୃର୍ତ୍ତମାନେ ସଞ୍ଜୟକୁ ମାଡ ମାରି ବନ୍ଧୁକ ଦେଖାଇ ଟଙ୍କା ବ୍ୟାଗ ନେଇ ଚାଲିଯିବାକ ସକ୍ଷମ ହୋଇଥିଲେ । ସଞ୍ଜୟ ଦୁବୁର୍ତ୍ତଙ୍କ ଠାରୁ ମାଡ ଖାଇ ଡାକ୍ତର ଖାନାରେ ଚିକିସିିତ ହେଉଛନ୍ତି । ଝୁମ୍ପୁରା ପୁଲିସ ଘଟଣା ସମ୍ପର୍କରେ ସବୁ ଜାଣି ମଧ୍ୟ ନିରବ ରହିବା ଯୋଗୁଁ ଝୁମ୍ପୁରା ପୁଲିସ ଉପରୁ ଲୋକଙ୍କ ଆସ୍ଥା ତୁଟି ଯାଉଛି । ଅନ୍ୟ ପକ୍ଷରେ ଝୁମ୍ପୁରା ଥାନା ଅଞ୍ଚଳରେ ବାରମ୍ବାର ଚୋରି,ଡକାୟତି ରାସ୍ତା ଲୁଟ ବଢି ଚାଲିଥିବା ବେଳେ ଏବେ କଳା ପଲସର ଝୁମ୍ପୁରା ଅଞ୍ଚଳରେ ଆତଙ୍କ ଖେଳାଇ ଦେଇଛି । ଝୁମ୍ପୁରା ଅଞ୍ଚଳରେ ଗୋଟାଏ ପରେ ଗୋଟାଏ ଘଟଣା ଘଟୁଥିଲେ ମଧ୍ୟ ଝୁମ୍ପୁରା ପୁଲିସର ନିରବତା ଦେଖିବାକୁ ମିଳିଛି । ଝୁମ୍ପୁରା ଥାନା ଦାୟିତ୍ୱରେ ରହିଥିବା ଥାନା ଅଧିକାରୀ ଏଫ୍ ତିଗାଙ୍କ ସହିତ ଯୋଗ ଯୋଗ କରିବାରୁ ଚୋରକୁ ଧରିବା ପାଇଁ ଉଦ୍ୟମ ଜାରୀ ରହିଛି ବୋଲି କହିଥିଲେ ।
