Anupambharat News Bureau
ଭୁବନେଶ୍ୱର, ୧୪ ।୨(ଅନୁପମ ମିଡିଆ): ରାଜ୍ୟ ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ୫ପ୍ରତିଶତ ବୃଦ୍ଧି କରାଯାଇଛି । ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି । ୨୦୨୦ ଜାନୁଆରୀ ୧ରୁ ପିଛିଲା ଭାବେ ଏହାକୁ ଲାଗୁ କରିବାକୁ ନିଷ୍ପତ୍ତି ନିଆଯାଇଛି । ପୂର୍ବରୁ ସପ୍ତମ ବେତନ କମିଶନ ଆଧାରରେ ବକେୟା ୧୦% ବେତନ ପ୍ରଦାନ ନେଇ ଘୋଷଣା କରିଥିଲେ ସରକାର । ଅନ୍ୟପକ୍ଷରେ କର୍ମଚାରୀମାନେ ଏଥିନେଇ ଖୁସି ହେବା ପରିବର୍ତ୍ତେ ଅସନ୍ତୋଷ ପ୍ରକାଶ କରିବାର ପରିଲକ୍ଷିତ ହୋଇଛି । ୨୦୧୯ ଜୁଲାଇ ମାସଠାରୁ ଡି.ଏ ପାଇବା କଥା । ୬ ମାସର ଡିଏ ସରକାର ଦେଇନାହାନ୍ତି । ଏହା ହେଉଛି ନୂଆ ଘଟଣା ବୋଲି ସେମାନଙ୍କ ପକ୍ଷରୁ କୁହାଯାଇଛି । କୌଣସି ସରକାର ଏଭଳି କରିନଥିଲେ ବୋଲି ସେମାନଙ୍କ ପକ୍ଷରୁ କୁହାଯାଇଛି ।
