Anupambharat News Bureau
ହାଇଦ୍ରାବାଦ,୧୧ା୧୧: ସୋମବାର ପୂର୍ବାହ୍ନରେ କାଚେଗୁଡ଼ା-ମାଲାକପେଟ୍ ରେଳବାଇ ଷ୍ଟେସନରେ ଦୁଇଟି ଟ୍ରେନ୍ ମଧ୍ୟରେ ମୁହାଁମୁହିଁ ଧMା ହେବାରୁ ୧୩ ଜଣ ଆହତ ହୋଇଛନ୍ତି । ଚିକିତ୍ସା ନିମନ୍ତେ ଆହତମାନଙ୍କୁ ନିକଟରେ ଥିବା ଡାକ୍ତରଖାନାଗୁଡ଼ିକ ନିଆଯାଇଛି । ଦୁର୍ଘଟଣାଗ୍ରସ୍ତ ହୋଇଥିବା ଟ୍ରେନଗୁଡ଼ିକୁ ହେଉଛନ୍ତି ଏମ୍ଏମ୍ଟିଏସ୍ ଏବଂ ଇଣ୍ଟରସିଟି ଏକ୍ସପ୍ରେସ୍ । କୋଙ୍ଗରୁ ଇଣ୍ଟରସିଟି ଏକ୍ସପ୍ରେସ୍ ୪ ନମ୍ବର ପ୍ଲାଟଫର୍ମ ପହଞ୍ଚୁଥିବା ସମୟରେ ପ୍ଲାଟଫର୍ମ ନମ୍ବର ୨ ରୁ ଏମ୍ଏମଟି୍ ତା’ ଉପରକୁ ଯିବା ସମୟରେ ଦୁଇଟି ଟ୍ରେନ୍ ମୁହାଁମୁହିଁ ଧMା ଖାଇଥିଲେ । ଉଭୟ ଟ୍ରେନଟି ଗତି ଅତି ମନ୍ଥର ଥିବାରୁ ଧMାର ପରିଣତି ବିଶେଷ ଭୟାବହ ହୋଇନାହିଁ । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି । ରେଳବାଇ କର୍ତ୍ତୃପକ୍ଷ ଏବଂ ସ୍ଥାନୀୟ ପ୍ରଶାସନ ଘଟଣାସ୍ଥରେ ପହଞ୍ଚୁଛନ୍ତି । ସଦ୍ୟତମ ସୂଚନା ଅନୁସାରେ ଲୋକାଲ୍ ଟ୍ରେନ ଡ୍ରାଇଭର୍ ଇଞ୍ଜିନ୍ ମଧ୍ୟରେ ପଶି ରହିଛନ୍ତି । ଅବଶିଷ୍ଟ ଯାତ୍ରୀମାନଙ୍କୁ ଦୁର୍ଘଟଣାଗ୍ରସ୍ତ ଟ୍ରେନ୍ଗୁଡ଼ିକରୁ ନିରାପଦରେ ଉଦ୍ଧାର କରାଯାଉଛି । ଦକ୍ଷିଣ କେନ୍ଦ୍ରୀୟ ରେଳବାଇର ଶୀର୍ଷସ୍ତରୀୟ ଅଧିକାରୀମାନେ ଘଟଣାର ତଦନ୍ତ କରୁଛନ୍ତି ।
