Anupambharat News Bureau
ହାଇଦ୍ରାବାଦ: ଇସ୍ରୋର ଏନ୍ଆରଏସ୍ସିରେ ବୈଜ୍ଞାନିକ ଭାବେ କାର୍ଯ୍ୟ କରୁଥିବା ଏସ୍.ସୁରେଶଙ୍କ ମୃତଦେହ ଆଜି ତାଙ୍କ ଫ୍ଲାଟରୁ ଉଦ୍ଧାର କରାଯାଇଛି । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ତାଙ୍କୁ କେହି ହତ୍ୟା କରିଥିବା ସନ୍ଦେହ କରାଯାଉଛି ।
ଅମୀରପେଟ ଅଞ୍ଚଳରେ ଥିବା ଅନ୍ନପୂର୍ଣ୍ଣା ଆର୍ପାଟମେଣ୍ଟରେ ୫୬ ବର୍ଷୀୟ ସୁରେଶ ଏକାକୀ ରହୁଥିଲେ । ତାଙ୍କ ନିଜସ୍ୱ୍ୱ ଘର କେରଳରେ । ମଙ୍ଗଳବାର ଦିନ ସୁରେଶ ଅଫିସ ଯାଇ ନଥିଲେ । ତାଙ୍କ ଜଣେ ସହଯୋଗୀ ସୁରେଶଙ୍କୁ ଫୋନ କରିଥିଲେ ହେଁ ଏହାର ଉତ୍ତର ସେ ଦେଇଥିଲେ । ସହଯୋଗୀ ଜଣଙ୍କ ଏହାପରେ ବାଧ୍ୟ ହୋଇ ଚେନ୍ନାଇରେ ବ୍ୟାଙ୍କ କର୍ମଚାରୀ ଭାବେ କାର୍ଯ୍ୟ କରୁଥିବା ସୁରେଶଙ୍କ ପତ୍ନୀଙ୍କୁ ଖବର ଦେଇଥିଲେ ।
ଖବର ପାଇ ସୁରେଶଙ୍କ ପତ୍ନୀ ଓ ପରିବାର ଲୋକ ହାଇଦ୍ରାବାଦରେ ପହଞ୍ଚି ପୁଲିସ୍ ସହାୟତାରେ ଆର୍ପାଟମେଣ୍ଟକୁ ଯାଇଥିଲେ । ସୁରେଶଙ୍କ ରୁମ ଖୋଲାଯିବା ମାତ୍ରେ ସେ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ପଡ଼ିଥିବା ଦେଖିବାକୁ ପାଇଥିଲେ । ପୁଲିସ୍ ଏବେ ଘଟଣାର ତଦନ୍ତ ଆରମ୍ଭ କରିଛି । ସୁରେଶ ଦୀର୍ଘ ୨୦ ବର୍ଷ ହେଲା ଏଠାରେ ରହି ଆସୁଥିଲେ ।
