Anupambharat News Bureau
ସମ୍ବଲପୁର, ୧ା୭ (ଅନୁପମ ମିଡିଆ): ଭିିମସାର ର ପୂର୍ବତନ ନିର୍ଦ୍ଦେଶକ ଡ଼ା. ଅଶ୍ୱିନୀ କୁମାର ପୂଜାହାରୀ କଂଗ୍ରେସ ଦଳରୁ ଇସ୍ତାଫା ଦେଇଛନ୍ତି । ସେ ଗତ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସରେ ଯୋଗଦେଇ ସମ୍ବଲପୁର ଆସନରୁ ପ୍ରତିଦ୍ୱନ୍ଦିତା କରିଥିଲେ । ନିର୍ବାଚନର ଅବ୍ୟବହିତ ପୂର୍ବରୁ ଗତ ମାର୍ଚ୍ଚ ମାସ ୨୪ ତାରିଖରେ କଂଗ୍ରେସରେ ଯୋଗଦେଇଥିଲେ । ଡ଼ା. ପୂଜାହାରୀ ନିର୍ବାଚନରେ ମାତ୍ର ୧୧ ହଜାର ୬ ଶହ ୫୨ ଟି ଭୋଟ ପାଇଥିଲେ । ନିର୍ବାଚନରେ ଜିଲ୍ଲା କଂଗ୍ରେସରୁ କୌଣସି ପ୍ରକାର ସମର୍ଥନ ନପାଇବାରୁ ଦଳରୁ ଇସ୍ତଫା ଦେଇଥିବା ପ୍ରକାଶ କରିଛନ୍ତି । ଗତ ମାସ ୨୬ ତାରିଖ ଦିନ ଅନୁଷ୍ଟିତ ଦଳର ନିର୍ବାଚନ ସମ୍ପର୍କିତ ସମୀକ୍ଷା ବୈðଠକରେ ସେ ଅସମ୍ମାନର ସମ୍ମୁଖୀନ ହୋଇଥିବା ମଧ୍ୟ କହିଛନ୍ତି । ଏପରିକି ଏଥିରେ ତାଙ୍କୁ ଅଭଦ୍ର ଭାଷାରେ ଅପମାନିତ କରାଯାଇଥିଲା ବୋଲି ସେ ଜଣାଇଛନ୍ତି । ସୂଚନା ଯୋଗ୍ୟ ଯେ, ଡ଼ା. ପୂଜାହାରୀ ଏୟାରଫୋର୍ସ ମେଡ଼ିକାଲରୁ ଅବସର ନେବା ପରେ ଭିମସାରର ନିର୍ଦ୍ଦେଶକ ପଦ ପାଇଁ ଆବେଦନ କରି ଯୋଗ୍ୟତା ହାସଲ କରିଥିଲେ । ପ୍ରଥମେ ସଂସ୍ତାନରେ ଶୃଂଖଳା ଆଣିବାରେ ସଫଳ ହୋଇଥିଲେ । ଏପରିକି ଡ଼୍ୟୁଟି ନିର୍ଘଂଟ ବାହାରେ ଡ଼ାକ୍ତର ମାନଙ୍କ ଘରୋଇ ପ୍ରାକଟ୍ସିସକୁ ରୋକିବାରେ ଷ୍ଟଂଗ ଅପରେସନ କରି ଚର୍ଚ୍ଚାକୁ ଆସିଥିଲେ । ପରେ ମେଡ଼ିକାଲରେ ବିବାଦ ଦେଖାଦେବାରୁ ରାଜ୍ୟ ସରକାର ଏକ ତଦନ୍ତ କମିଟୀ ଗଠନ କରିଥିଲେ । ହେଲେ ଏହି କମିଟୀ ର ରିପୋର୍ଟ ଅଦ୍ୟାବଧି ପ୍ରକାଶ ପାଇନାହିଁ । ଡ଼ା. ପୂଜାହାରୀଙ୍କୁ ଛୁଟିରେ ଯିବା ପାଇଁ ରାଜ୍ୟ ସରକାର କହିଥିଲେ । ସେ ତଦନ୍ତ ରିପୋର୍ଟ ପ୍ରକାଶ କରିବା ଓ ପୂର୍ବପରି ଦାୟୀତ୍ୱ ନିର୍ବାହ ସକାଶେ ସୁଯୋଗ ଦେବାକୁ ସରକାରଙ୍କୁ ଅନୁରୋଧ କରିଥିଲେ । ହେଲେ ଏଦିଗରେ କୈାଣସି ପଦକ୍ଷେପ ନିଆନଯିବାରୁ ଇସ୍ତଫା ନିର୍ଦ୍ଦେଶକ ପଦରୁ ଇସ୍ତଫା ପ୍ରଦାନ କରିଥିଲେ । ସେ ସମୟରେ ଏହାକୁ ବିଜେପି ଏବଂ କଂଗ୍ରେସ ପ୍ରସଂଗ କରି ସରକାରଙ୍କୁ ଘେରିବା ପାଇଁ ଉଦ୍ୟମ କରିଥିଲେ ।
