Anupambharat News Bureau
ଭୁବନେଶ୍ୱର,୨୪ ।୫(ଅନୁପମ ମିଡିଆ):ବିଜୁ ଲିଗାସି ଛାଡି ମୋଦି ଲିଗାସି ଆସିବାରୁ ଲୋକେ ରାଗିଯାଇ ଭୋଟ୍ ଦେଲେ ନାହିଁ । ସେଥିପାଇଁ ମୁଁ ହାରିଗଲି ବୋଲି ବାଲିକୁଦା- ଏରସମା ଆସନରୁ ବିଜେପି ପ୍ରାର୍ଥୀ ତଥା ବରିଷ୍ଠ ନେତା ଡା. ଦାମୋଦର ରାଉତ କହିଛନ୍ତି । ଓଡିଶା ବିଜୁମୟ ହୋଇଥିବା ବେଳେ ମୋଦିଙ୍କ ଲୋକପ୍ରିୟତା ବଢିଛି । ଫଳରେ ଲୋକସଭା ଏବଂ ବିଧାନସଭାରେ ଭୋଟିଂ ପ୍ରତିଶତ ଗତ ନିର୍ବାଚନ ଅପେକ୍ଷା ବୃଦ୍ଧି ପାଇଛି । ଲୋକସଭାରେ ପୂର୍ବରୁ ବିଜେପି ୨୧ ପ୍ରତିଶତ ଭୋଟ୍ ପାଇଥିବା ବେଳେ ଏଥର ୩୮ ପ୍ରତିଶତକୁ ବୃଦ୍ଧି ପାଇଛି । ସେହିିପରି ବିଧାନସଭା ନିର୍ବାଚନରେ ବିଜେପିର ଭୋଟିଂ ହାର ୧୮ ପ୍ରତିଶତ ଥିବା ବେଳେ ଏଥର ତାହା ୩୨ ପ୍ରତିଶତକୁ ବୃଦ୍ଧି ପାଇଛି । ଲୁଣା ପାଣିରେ ପଦ୍ମ ଫୁଟିବ ବୋଲି ଦମ୍ଭୋକ୍ତି ଦେଖାଇଥିବା ଦାମଙ୍କ ଏସମ୍ପର୍କରେ ପଚାରିବାରୁ ସେ କହିଥିଲେ ଯେ ନିର୍ବାଚନ ପରିଚାଳନା ଯେଉଁ ଭଳି ଭାବେ
କରିବା କଥା ତାହା ନା କଂଗ୍ରେସ ନା ବିଜେପି କରିପାରିଲେ । ସେଥିପାଇଁ ମୁଖ୍ୟମନ୍ତ୍ରୀ ଓଡିଶା ଶାସନ କଳ , ରାଜ୍ୟ ପ୍ରଶାସନିକ ଅଧିକାରୀ ଓ ପୋଲିସ୍କୁ ଧରି ଗୋପନୀୟ ଭାବେ ପରିଚାଳନା କରୁଥିଲେ ।
ଆଇସିସି ଏସିୟୁ ଅଧିକାରୀଙ୍କ ସ୍ପଷ୍ଟୋକ୍ତି, ବର୍ତ୍ତମାନର କୌଣସି ଖେଳାଳି ଫିକ୍ସିଂ ସନ୍ଦେହ ଘେରରେ ନାହାନ୍ତି
Read More...
