Anupambharat News Bureau
ଭୁବନେଶ୍ୱର ,୧୭ ।୭ (ଅନୁପମ ମିଡ଼ିଆ): କୋଭିଡ୍ ଯୁଦ୍ଧରେ ସାମିଲ ହୋଇ କାମ କରୁଥିବା ଅଙ୍ଗନୱାଡି କର୍ମୀ ଯଦି ସଂକ୍ରମିତ ହୋଇ ମୃତୁ୍ୟବରଣ କରନ୍ତି ତେବେ ତାଙ୍କ ସ୍ୱାମୀ କିମ୍ବା ନିକଟତମ ଆତ୍ମୀୟଙ୍କୁ ଅବସର ବୟସ ଯାଏଁ ମାସିକ ୭,୫୦୦ ଟଙ୍କା , ସେହିପରି ଆଶାକର୍ମୀ ମୃତୁ୍ୟବରଣ କଲେ ତାଙ୍କ ପରିବାରକୁ ମାସିକ ୫୦୦୦ ଟଙ୍କା ସହାୟତା ଯୋଗାଇ ଦେବାକୁ ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ ଘୋଷଣା କରିଛନ୍ତି । ପୂର୍ବରୁ କାର୍ର୍ଯ୍ୟରତ କୋଭିଡ୍ ଯୋଦ୍ଧାଙ୍କ ମୃତୁ୍ୟ ହେଲେ ୫୦ ଲକ୍ଷ ଟଙ୍କାର ଅନୁକମ୍ପାମୂଳକ ସହାୟତା ଦେବାକୁ ମୁଖ୍ୟମନ୍ତ୍ରୀ ଘୋଷଣା କରିଥିଲେ । କରୋନା ଯୁଦ୍ଧରେ ବର୍ତ୍ତମାନ ଅଙ୍ଗନୱାଡି ଓ ଆଶାକର୍ମୀମାନେ ସାମିଲ ହୋଇଛନ୍ତି । ଏପରିକି ବିଭିନ୍ନ ସମୟରେ ଏହି କର୍ମଚାରୀମାନେ ଏହାର ଶିକାର ହେବାରେ ଲାଗିଛନ୍ତି । ଫଳରେ ବହୁ କର୍ମଚାରୀ ଓ ସେମାନଙ୍କ ପରିବାର ଭୟଭୀତ ଅବସ୍ଥାରେ ରହିଛନ୍ତି ।
