Anupambharat News Bureau
ଭୁବନେଶ୍ୱର, ୨୨ା୪ (ଅନୁପମ ମିଡିଆ): କରୋନା ସଂକ୍ରମଣ ଆଶଙ୍କାରେ ଦେଶବ୍ୟାପୀ ଲକଡାଉନ୍ ଲାଗୁ ହୋଇଥିବାବେଳେ ଓଡ଼ିଶା ବିଦ୍ୟୁତ ନିୟାମକ ଆୟୋଗ(ଓଇଆରସି) ୨୦୨୦-୨୧ ଆର୍ଥିକ ବର୍ଷ ପାଇଁ ମଧ୍ୟ ବିଦ୍ୟୁତ ଦରକୁ ଅପରିବର୍ତିତ ରଖିଛନ୍ତି । ଘରୋଇ, ବ୍ୟବସାୟିକ ଓ ଶିଳ୍ପ ସଂସ୍ଥାର ଉପଭୋକ୍ତାଙ୍କ ପାଇଁ ବିଦ୍ୟୁତ ଦର ଅପରିବର୍ତିତ ରହିବ । ବିଦ୍ୟୁତ ଦର ସଂକ୍ରାନ୍ତ ନୂଆ ନିର୍ଦ୍ଦେଶନାମା ମେ’ ପହିଲାରୁ ଲାଗୁ ହେବ । କରୋନା ପରିସ୍ଥିତି ଯୋଗୁ ରିଟେଲ ସପ୍ଲାଇ ଟାରିଫ(ଆରଏସଟି) ଓ ବିଏସପି(ବଲକ ସପ୍ଲାଇ ଟାରିଫ) ମଧ୍ୟ ବୃଦ୍ଧି କରାଯାଇନି । ତେବେ ପରିସ୍ଥିତିରେ ସୁଧାର ଆସିଲେ ଚଳିତ ଆର୍ଥିକ ବର୍ଷରେ ଏହି ଟାରିଫର ପୁନର୍ବିଚାର କରାଯାଇପାରେ ବୋଲି ଆୟୋଗ ସ୍ପଷ୍ଟ କରିଛନ୍ତି । କରୋନା ପ୍ରଭାବିତ ମାସ ଗୁଡିକରେ ବିଦୁ୍ୟତ ବିଲ୍ ଛାଡ଼ କରାଗଲେ ରାଜ୍ୟବାସୀଙ୍କ ଆର୍ଥିକ ସମସ୍ୟା ଆଶ୍ୱସ୍ଥିକର ହେବ ବୋଲି ସାଧାରଣ ଲୋକଙ୍କ ପ୍ରତିକ୍ରିୟା ହୋଇଛି ।
