Anupambharat News Bureau
ନୂଆଦିଲ୍ଲୀ,୧୭ା୪: ସମଗ୍ର ବିଶ୍ୱରେ ଭୟଙ୍କର ମହାମାରୀର ରୂପ ଧାରଣ କରିଥିବା କରୋନା ଭାଇରସର ସଂକ୍ରମଣରେ ବିଶ୍ୱର୨୦୦ରୁ ଉର୍ଦ୍ଧ୍ୱ ରାଷ୍ଟ୍ର ପ୍ରଭାବିତ ହୋଇଛନ୍ତି । ଭାରତ ମଧ୍ୟ ଏଥିରୁ ବାଦ୍ ପଡ଼ିନାହିଁ । ଦେଶରେ ଶନିବାର ସୁଦ୍ଧା କରୋନା ରୋଗରେ ପୀଡିତ ହୋଇ ୪୮୮ ଲୋକ ପ୍ରାଣ ହରାଇଛନ୍ତି । ଏହା ବ୍ୟତୀତ ୧୪,୭୯୨ ସଂଖ୍ୟକ ଲୋକ ବର୍ତ୍ତମାନ ସୁଦ୍ଧା ଆକ୍ରାନ୍ତ ହୋଇ ବିଭିନ୍ନ କୋଭିଡ଼୍ ଓ କ୍ୱରାଣ୍ଟାଇନ୍ ହସ୍ପିଟାଲ୍ରେ ଚିକିତ୍ସିତ ହେଉଛନ୍ତି । ଦେଶରେ ମୃତଙ୍କ ସଂଖ୍ୟା କ୍ରମାଗତ ବୃଦ୍ଧି ପାଇବାରେ ଲାଗିଛି । ଅତି କମ୍ରେ ୨୪ ଘଣ୍ଟାରେ ୪୦ରୁ ୫୦ ଜଣ ଲୋକ କରୋନା ପଜିଟିଭ ରୋଗରେ ଆକ୍ରାନ୍ତ ହୋଇ ପ୍ରାଣ ହରାଉଥିବା ଦେଖାଦେଇଛି । ଅବଶ୍ୟ ପାଖାପାଖି ୨ହଜାର ଲୋକ କୋରନା ରୋଗରୁ ସୁସ୍ଥ ହୋଇ ଘରକୁ ଫେରିଛନ୍ତି ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟ ପକ୍ଷରୁ ଜାରି ହୋଇଥିବା ରିପୋର୍ଟରୁ ଜଣାପଡିଛି । ।ଗତ ୨୪ ଘଣ୍ଟାରେ ଭାରତରେ ୯୯୧ ସଂଖ୍ୟକ ଲୋକ କୋଭିଡ଼-୧୯ ପଜିଟିଭ୍ରେ ଆକ୍ରାନ୍ତ ହୋଇଥିବା ବେଳେ ଅତି କମ୍ରେ ୪୩ ଜଣ ଲୋକ ପ୍ରାଣ ହରାଇଛନ୍ତି । ତେବେ ଦେଶରେ ମୃତକଙ୍କ ସଂଖ୍ୟା ଦୈନିକ ବୃଦ୍ଧି ପାଉଥିବା ତଥ୍ୟରୁ ସ୍ପଷ୍ଟ ହୋଇଛଇ ।
ଦେଶର ଏକ ବୃହତ୍ତ ରାଜ୍ୟ ଭାବେ ପରିଚିତ ମହାରାଷ୍ଟ୍ର ସର୍ବାଧିକ ପ୍ରଭାବିତ ହୋଇଛି । ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୩୨୦୨କୁ ପହଞ୍ଚିଛି । ଗୋଟିଏ ଦିନରେ ୨୮୬ ସଂଖ୍ୟକ ଲୋକ କରୋନାରେ ଆକ୍ରାନ୍ତ ହେଉଛନ୍ତି । ଠିକ୍ ସେହିଭଳି ମୁମ୍ବାଇରେ ସର୍ବାଧିକ ୧୭୭ ଆକ୍ରାନ୍ତଙ୍କ ସଂଖ୍ୟା ଗତ ୨୪ ଘଣ୍ଟାରେ ବୃଦ୍ଧି ପାଇଛି । କେବଳ ମହାରାଷ୍ଟ୍ରରେ ହିଁ ମୃତକଙ୍କ ସାଂଖ୍ୟା ୧୯୪କୁ ପହଞ୍ଚିଛି । ଦେଶବ୍ୟାପୀ କରୋନାକୁ ମୁକାବିଲା ପାଇଁ ଯେଉଁ ସବୁ ସଂସ୍ଥା ସକ୍ରୀୟ ଭୂମିକା ଗ୍ରହଣ କରିଛନ୍ତି । ସେମାନଙ୍କୁ ଆଜି ନରେନ୍ଦ୍ର ମୋଦୀ ପ୍ରଶଂସା କରିଛନ୍ତି । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା କ୍ରମେ ସୁସ୍ଥ ହେଉଥିବା ଯୋଗୁଁ ଆଗାମି ଦିନରେ ନିଶ୍ଚୟ ହ୍ରାୟ ପାଇବ ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାରମନ୍ତ୍ରାଳୟ ପକ୍ଷରୁ କୁହାଯାଇଛି ।
କରୋନା ରୋଗରୁ ମୁକ୍ତି ପାଇବା ପାଇଁ ସାମାଜିକ ଦୂରତା ହିଁ ଏକମାତ୍ର ବିକଳ୍ପ ବୋଲି ଗ୍ରହଣ କରାଯାଇଛି । ତେଣୁ ଦେଶବ୍ୟାପି ପ୍ରଥମ ପର୍ଯ୍ୟାୟ ଲକ୍ଡ଼ାଉନ ଅବଧି ସରିବା ପରେ ଦ୍ୱିତୀୟ ପର୍ଯ୍ୟାୟ ଲକ୍ଡ଼ାଉନ୍ ଆରମ୍ଭ ହୋଇଯାଇଛି । ଦେଶରେ ପ୍ରଥମ ଲକ୍ନାଉନ୍ ସମୟରେ ହିଁ ଦିଲ୍ଲୀର ନିଜାମୁଦ୍ଦିନ ସ୍ଥିତ ତାବ୍ଲିଗ୍ ଜମାତ ମସ୍ଜିଦରେ ଧାର୍ମିକ ସମ୍ମିଳନୀ ଆୟୋଜନ ହୋଇଥିଲା । ଯେଉଁଠାରେ କି ପାଖାପାଖି ୧୦ ହଜାର ଲୋକ ଏକତ୍ରିତ ହୋଇଥିଲେ । ଏହି ସମ୍ପର୍କରେ ଆଜି କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଂଳୟ ପକ୍ଷରୁ ସ୍ପଷ୍ଟ ତଥ୍ୟ ପ୍ରକାଶ କରାଯାଇଛି । ଦେଶରେ ଆଜି ସୁଦ୍ଧା ଯେଉଁ ଆକ୍ରାନ୍ତଙ୍କ ସଂଖ୍ୟା ୧୪,୩୭୮କୁ ପହଞ୍ଚିଛି, ଏଥିରେ କେବଳ ତାବ୍ଲିଗ୍ ମସ୍ଜିଦ ସହିତ ସମ୍ପୃକ୍ତ ଥିବା ୪,୨୯୧ବ୍ୟକ୍ତି ମଧ୍ୟ ଆକ୍ରkାନ୍ତ ହୋଇଛନ୍ତି । ଏହା ସିଧାସଳଖ କୁହାଯାଇପାରେ ଯେ, ନିଜାମୁଦ୍ଦିନ ସଂକ୍ରମଣ ହିଁ ଦେଶରେ କେଭିଡ଼୍-୧୯ ପଜିଟିଭ ସଂଖ୍ୟାକୁ ପ୍ରତ୍ୟେକ୍ଷ ଭାବେ ସଂକ୍ରମଣ କରିଛି । ସମୁଦାୟ ଆକ୍ରାନ୍ତଙ୍କ ମଧ୍ୟରୁ ୨୯,୮% କେବଳ ନିଜାମୁଦ୍ଦି ନ ଘଟଣାରୁ ଚିହ୍ନଟ ହୋଇଛି ।ଏହି ସମ୍ପର୍କରେ ମନ୍ତ୍ରଣାଳୟର ଯୁଗ୍ମ ସଚିବ ଲବ୍ ଅଗ୍ରୱାଲ୍ ଏକ ସମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଗତ ୨୮ ଘଣ୍ଟା ମଧ୍ୟରେ କର୍ଣ୍ଣାଟକରେ କୌଣଦସି ପଜିଟିଭ ଚିହ୍ନଟ ହୋଇ ପାରି ନାହାଁନ୍ତିା ଗତ ୧୪ ତରିଖ ଭିତେରେ୨୩ ଟି ରାଜ୍ୟର ୪୫ଟି ଜିଲ୍ଲାରେ କୌଣସି ମଧ୍ୟ କୋଭିଡ଼୍ ୧୯ ଚିହ୍ନଟ ହୋଇ ନାହିଁ । କେରଳର ୧୬୮ ଆକ୍ରାନ୍ତଙ୍କ ମଧ୍ୟରୁ ୧୧୩ ଜଣ ସୁସ୍ଥ ହୋଇଛନ୍ତି ବୋଲି ଅଗ୍ରୱାଲ୍ କହିଥିଲେ । ଆମେରିକା ଓ ଇଟାଲୀ ଭଳି ରାଷ୍ଟ୍ରମାନଙ୍କ ତୂଳନାରେ ଭାରତ ସେଭଳି ସାଂଘାତିକ ସ୍ଥିତିରେ ପହଞ୍ଚି ନାହିଁ ବୋଲି ଯୁଗ୍ମ ସଚିବ ସୂଚନାଦେଇଛନ୍ତି ।
ଚୀନ୍ରୁ ସୃଷ୍ଟି ହୋଇଥିବା ଏହି ଭୟଙ୍କର କରୋନା ଭାଇରସ୍ ରୋଗରେ ଆମେରିକା ସର୍ବାଧିକ ପ୍ରଭାବିତ ହୋଇଛି । ଗତ ୨୪ ଘଣ୍ଟାା ମଧ୍ୟରେ ଆମେରିକାରେ ୪୫୦୦ ଲୋକ ଆକ୍ରାନ୍ତ ହୋଇଥିବା ଘଟଣା ବିଶ୍ୱର ସମସ୍ତ ପ୍ରଭାବିତ ରାଷ୍ଟ୍ର ମାନଙ୍କ ମଧ୍ୟରେ ସାଂଘାତିକ ହୋଇଛି । ଏହା ସ୍ପଷ୍ଟ ହୋଇଛି ଯେ, ଏହି କରୋନା ରୋଗ ଆମେରିକାରେ ସମ୍ପୂର୍ଣ୍ଣ ଅଣାୟତ ହୋଇପଡିଛି । ପବନ ବେଗରେ ଏହାର ସଂକ୍ରମଣ ବୃଦ୍ଧି ପାଇବା ଯୋଗୁଁ ଆମେରିକା ଭଳି ଅତ୍ୟାଧୁନିକ ପ୍ରଭାବଶାଳୀ ରାଷ୍ଟ୍ରରେ ଆଜି ସୁଦ୍ଧା ଅକ୍ରାନ୍ତ ସଂଖ୍ୟା ୭ ଲକ୍ଷ ଟପି ଯାଇଛି । ଇତିମଧ୍ୟରେ ଶୁକ୍ରବାର ଅପରାହ୍ନ ଆମେରିକାରେ କରୋନା ମୃତକଙ୍କ ସଂଖ୍ୟା ୩୬ ହଜାର ଟପି ଯାଇଥିବା
ଏକ ରିପୋର୍ଟରୁ ଜଣାପଡିଛି । ବୁଲେଟିନ ଜାରି କରୁଥିବା ଜନ୍ହପ୍କିନ୍ସ ବିଶ୍ୱ ବିଦ୍ୟାଳୟ ପକ୍ଷରୁ ଏହି ରିପୋର୍ଟ ଜାରି କରାଯାଇଛି । ବିଶ୍ୱରେ ସର୍ବାଧିକ ମୃତକଙ୍କ ସଂଖ୍ୟା କେବଳ ଆମେରିକାରେ ହିଁ ଦେଖାଦେଇଛି । ପ୍ରତ୍ୟେକ ଘଣ୍ଟାରେ ମୃତକଙ୍କ ସଂଖ୍ୟା ବୃଦ୍ଧି ପାଉଥିବା ଆକଳନ ସମୟରୁ ସ୍ପଷ୍ଟ ହୋଇଛି । ନିୟୁର୍କ ନଗରୀରେ କେବଳ ୩୭୭୮ ସଂଖ୍ୟକ ଲୋକ କୋଭିଡ୍ ୧୯ରେ ପ୍ରାଣ ହରାଇଛନ୍ତି । ଇତିମଧ୍ୟରେ ଇଟାଲୀରେ ମୃତଙ୍କ ସଂଖ୍ୟା୨୨,୭୪୫କୁ ପହଞ୍ଚିଛି । ସ୍ପେନ୍ରେ ମୃତକଙ୍କ ସଂଖ୍ୟା ୧୯,୪୭୮ ହୋଇଥିବା ବେଳେ ଫ୍ରାନ୍ସରେ କରୋନା ରୋଗରେ ୧୮୬୮୧ ସଂଖ୍ୟକ ରୋଗୀ ପ୍ରାଣ ହରାଇଛନ୍ତି ।
ଦେଶରେ ମୃତକଙ୍କ ସଂଖ୍ୟ ପାଞ୍ଚ ଶହ ଟପିଲା, ଆନ୍ତଃରାଜ୍ୟ ଶ୍ରମିକଙ୍କୁ ପଞ୍ଜିକରଣ ବାଧ୍ୟତାମୂଳକ, ଆଜିଠାରୁ କେତେକ ରାଜ୍ୟରେ କୋହଳ
Read More...
