ପୁଣି ବଜାରକୁ ଆସୁଛି ବଜାଜ ଚେତକ

Anupambharat News Bureau
October 14, 2019

ନୂଆଦିଲ୍ଲୀ : ବଜାଜ ଏବେ ଏହାର ନୂଆ ସ୍କୁଟରକୁ ନେଇ ଚର୍ଚ୍ଚାରେ ରହିଛି । ଆସନ୍ତା ୧୬ ତାରିଖରେ ବଜାଜ ପକ୍ଷରୁ ଏହି ସ୍କୁଟରକୁ ଲଞ୍ଚ କରାଯିବ । ଏହି କାର୍ଯ୍ୟକ୍ରମରେ କେନ୍ଦ୍ର ସଡକ ଓ ପରିବହନ ମନ୍ତ୍ରୀ ନିତିନ ଗଡକାରୀଙ୍କ ସମେତ ନୀତି ଆୟୋଗ ଅଧ୍ୟକ୍ଷ ଅମିତାଭ କାନ୍ତ ସାମିଲ ହେବେ । ବଜାଜ ପକ୍ଷରୁ ଲଞ୍ଚ କରାଯାଉଥିବା ଏହି ସ୍କୁଟର କମ୍ପାନୀର ପ୍ରଥମ ଇଲେକ୍‌ଟ୍ରୋନିକ୍‌ ସ୍କୁଟର ହେବ ।
ମିଳିଥିବା ସୂଚନା ମୁତାବକ ଏହି ସ୍କୁଟରର ନାମ ଚେତକ ଚିକ ରଖାଯାଇଥିବାବେଳେ ବହୁ ଆକର୍ଷଣୀୟ ବୈଶିଷ୍ଟ୍ୟ ଏହି ସ୍କୁଟରରେ ରହିବ । ଏହି ସ୍କୁଟରରେ ଇନଟିଗ୍ରେଟେଡ଼ ବ୍ରେକିଙ୍ଗ ସିଷ୍ଟମ ରହିବା ସହ ନାଭିଗେସନ ଓ ବ୍ଲୁ ଟୁଥ ସୁବିଧା ମଧ୍ୟ ରହିବ ।
ଏହି ସ୍କୁଟରର ମୂଲ୍ୟ ବାବଦରେ ବର୍ତ୍ତମାନ ସୁଦ୍ଧା ଜଣାପଡ଼ିନଥିଲେ ବି କୁହାଯାଉଛି ଏହାର ମୂଲ୍ୟ ୧ ଲକ୍ଷ ଟଙ୍କା ପାଖାପାଖି ରହିବ । ଏଠାରେ ସୂଚନା ଥାଉ କି ବଜାଜ ପକ୍ଷରୁ ୨୦୦୬ ମସିହାରେ ଚେତକ ସ୍କୁଟରର ନିର୍ମାଣ ବନ୍ଦ କରିଦିଆଯାଇଥିଲା କି;ୁ ଏବେ ବଜାରରେ ସ୍କୁଟର ବାଇକର ଚାହିଦା ବଢ଼ିଥିବାର ନଜରରେ ରଖି ପୁଣି ନୂଆ ଭାବରେ ଚେତକକୁ ଲଞ୍ଚ କରାଯିବ ।

ବ୍ୟାଙ୍କ୍‌ ବଦଳାଇଲା ଲୋନ ଦେବାର ତରିକା, ଏବେ ଆଉ ଦରମା ନୁହେଁ ଏହି ସ୍କୋର ଦେଖାଇ ନେଇପାରିବେ ଋଣ

Read More...

ମାଲେସିଆ ଉପରେ ବ୍ୟବସାୟିକ ପ୍ରତିବନ୍ଧକ ଲଗାଇପାରେ ଭାରତ

Read More...