Anupambharat News Bureau
ପାତ୍ରପୁର,୨୫ ।୫(ଅନୁପମ ମିଡ଼ିଆ): ଜରଡ଼ା ଥାନା ଇଲାକା ଉପର ବୁରାତଲ ଗାଁର ସାବିତ୍ରୀ କାର୍ଜି (୩୦)ଙ୍କ ମୃତ ଦେହ ଏକ ଗଛରୁ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି । ଗତ ୨୦ ବର୍ଷ ପୂର୍ବରୁ ଟୁନା କାର୍ଜି ନାମକ ଜଣେ ଉପର ବୁରାତାଲ ଗାଁର ବ୍ୟକ୍ତିକୁ ଭଲପାଇ ସେ ବିବାହ କରିଥିଲେ । ବର୍ତ୍ତମାନ ତାଙ୍କର ଗୋଟିଏ ପୁଅ ଓ ତିନୋଟି କନ୍ୟା ସନ୍ତାନ ଅଛନ୍ତି । ସାବିତ୍ରୀଙ୍କ ମୃତୁ୍ୟ ଘଟିଥିବା ନେଇ ତାଙ୍କ ସ୍ୱାମୀ ସାବିତ୍ରୀର ପରିବାରକୁ ଜଣାଇବା ପରେ ପରିବାର ବର୍ଗ ଏହା ଏକ ଯୋଜନାବଦ୍ଧ ହତ୍ୟା ବୋଲି ଜରଡ଼ା ଥାନାରେ ଅଭିଯୋଗ କରିଛନ୍ତି । ସାବିତ୍ରୀଙ୍କ ଭାଇଙ୍କ ଅଭିଯୋଗ ପ୍ରକାରେ ତାଙ୍କୁ ସବୁବେଳେ ସ୍ୱାମୀ ମାରପିଟ କରିବା ସହ ଶାରୀରିକ ଓ ମାନସିକ ନିର୍ଯାତନା ଦେଇ ଆସୁଥିଲେ । ଅନ୍ୟ ପକ୍ଷରେ ଦେଖିବାକୁ ଗଲେ ସାବିତ୍ରୀଙ୍କ ଶବକୁ ଦେଖି ଏହା ଆତ୍ମହତ୍ୟା ନୁହେଁ ହତ୍ୟା ବୋଲି ମଧ୍ୟ ଅଞ୍ଚଳରେ ଆଲୋଚନା ହେଉଛି । ଏନେଇ ଜରଡ଼ା ଥାନା ପକ୍ଷରୁ ଏକ ଅପମୃତୁ୍ୟ ମାମଲା ରୁଜୁ କରାଯିବା ସହ ତଦନ୍ତ ଆରମ୍ଭ ହୋଇଛି । ବ୍ୟବଚ୍ଛେଦ ରିପୋର୍ଟ ଆସିବା ପରେ ଦୋଷୀଙ୍କୁ ଗିରଫ କରାଯିବ ବୋଲି ଥାନା ଅଧିକାରୀ କହିଛନ୍ତି । ବ୍ୟବଚ୍ଛେଦ ପରେ ଶୋକାକୁଳ ପରିବେଶ ମଧ୍ୟରେ ଶବର ଅନ୍ତେଷ୍ଟି କରାଯାଇଛି ।
