Anupambharat News Bureau
ରାୟଗଡା, ୨୪ା୫ (ଅନୁପମ ମିଡିଆ): ଆଜି ଅପରାହ୍ନରେ ରାୟଗଡା ଏଚଡିଏଫସି ବ୍ୟାଙ୍କ ସମ୍ମୁଖରୁ ଟି. ମହେଶ୍ୱର ରାଓଙ୍କଠାରୁ ୩ ଲକ୍ଷ ଟଙ୍କା ଲୁଟ୍ ହୋଇଛି । ଶିକରପାଇର ଟି. ମହେଶ୍ୱର ଆଜି ଅପରାହ୍ନ ସାେ ୧ଟାରେ ଆନ୍ଧ୍ର ବ୍ୟାଙ୍କରୁ ୩ ଲକ୍ଷ ଟଙ୍କା ଉଠାଇ ନିଜ ଝିଅ ଘରକୁ ଯାଇଥିଲେ । କିଛି ସମୟ ପରେ ଟଙ୍କାକୁ ଗୋଟିଏ ବ୍ୟାଗରେ ଭର୍ତି କରି ମହେଶ୍ୱର ବାଇକ୍ ଯୋଗେ ଏଚଡିଏଫସି ବ୍ୟାଙ୍କ ନିକଟକୁ ଆସିଥିଲେ । ବାଇକରେ ବ୍ୟାଗ୍ ରଖି ମହେଶ୍ୱର ଏଟିଏମକୁ ଟଙ୍କା ଉଠାଇବା ପାଇଁ ଯାଇଥିବା ବେଳେ ପୂର୍ବରୁ ନଜର ରଖିଥିବା ଲୁଟେରା ବାଇକରୁ ଟଙ୍କା ବ୍ୟାଗ ନେଇ ଫେରାର ହୋଇଯାଇଥିଲେ । ଏ ସଂପର୍କରେ ମହେଶ୍ୱର ଟାଉନ୍ ଥାନାକୁ ଖବର ଦେବା ପରେ ପୁଲିସ୍ ଅଧିକାରୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ ।
