Anupambharat News Bureau
ଆସିକା,୨୩ା୫(ଅନୁପମ ମିଡ଼ିଆ): ଆସିକା ଥାନା ଅନ୍ତର୍ଗତ ସାପୁଆପଲ୍ଲୀ ଗ୍ରାମରେ ସମ୍ପତ୍ତି ଭାଗବଣ୍ଟାକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ମାରପିଟ୍ ହୋଇ କାଳିଆ ବେହେରା(୫୫) ନାମ୍ନୀ ମହିଳାଙ୍କ ଶୋଚନୀୟ ମୃତୁ୍ୟ ହୋଇଛି ।
ଏଥିରେ ମୃତ ମହିଳାଙ୍କ ପୁଅ ବୁଲୁ ଓ ଝିଅ ଗୀତା ମଧ୍ୟ ଗୁରୁତର ଆହତ ହୋଇ ବ୍ରହ୍ମପୁର ବଡ଼ମେକଡିକାଲ୍ରେ ଚିକିତ୍ସିତ ହେଉଛନ୍ତି । ବୁଧବାର ସନ୍ଧ୍ୟାରେ କାଳିଆ ବେହେରା ପରିବାର ଉପରେ ତାଙ୍କ ସମ୍ପର୍କୀୟ ବିଜୟ ବେହେରା ଓ ତାଙ୍କ ଦୁଇ ପୁଅ ଠେଙ୍ଗାବାଡ଼ିରେ ଆକ୍ରମଣ କରିଥିଲେ ।
ଉଭୟଙ୍କ ମଧ୍ୟରେ ଦୀର୍ଘ ଦିନ ଧରି ବିବାଦ ଲାଗି ରହିଥିବା ବେଳେ ଗତକାଲି ଏହି ଘଟଣା ସଙ୍ଗଠିତ ହୋଇଥିଲା । ଗୁରୁତର ଆହତ ଅବସ୍ଥାରେ ସମସ୍ତଙ୍କୁ ଆସିକା ହସ୍ପିଟାଲ୍କୁ ଅଣାଯାଇଥିବା ବେଳେ ଡାକ୍ତର କାଳିଆଙ୍କୁ ମୃତ ଘୋଷଣା କରିଥିଲେ ଓ ଦୁଇ ଗୁରୁତର ଆହତଙ୍କୁ ବ୍ରହ୍ମପୁର ସ୍ଥାନାନ୍ତର କରିଥିଲେ । ମୃତ ମହିଳାଙ୍କ ଅନ୍ୟ ପୁଅ ବାବୁରାମଙ୍କ ଅଭିଯୋଗକୁ ଭିତ୍ତି କରି ୧୬୫/୧୯ରେ ହତ୍ୟା ମାମଲା ରୁଜୁ କରି ପୋଲିସ ତଦନ୍ତ ଚଳାଇଥିବା ପୋଲିସ ପ୍ରକାଶ କରିଛନ୍ତି ।
