ଆଜି ୭୪ତମ ସ୍ୱାଧୀନତା ଦିବସ: ସୁରକ୍ଷା ବ୍ୟବସ୍ଥା କଡ଼ାକଡ଼ି

Anupambharat News Bureau
August 14, 2020

ନୂଆଦିଲ୍ଲୀ : ଦେଶ ଆସନ୍ତାକାଲି ଏହାର ୭୪ତମ ସ୍ୱାଧୀନତା ଦିବସ ପାଳନ କରିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରୁ ଜାତୀୟ ପତାକା ଉତ୍ତୋଳନ ସହ ଏହି ଐତିହାସିକ ସ୍ମାରକୀର ପ୍ରାଚୀର ଉପରୁ ରାଷ୍ଟ୍ରକୁ ସମ୍ବୋଧନ କରିବେ । ସ୍ୱାଧୀନତା ଦିବସ ଉତ୍ସବ ପାଳନକୁ ଦୃଷ୍ଟିରେ ରଖି ଜାତୀୟ ରାଜଧାନୀ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ସ୍ୱାଧୀନତା ଦିବସ ଉତ୍ସବ ପାଳନ ପାଇଁ ଗୁରୁବାର ଲାáିଲ୍ଲାଠାରେ ସମ୍ପୂର୍ଣ୍ଣ ପୋଷାକରେ ଅଭ୍ୟାସ କରାଯାଇଥିଲା । କୋଭିଡ୍‌ ପରିସ୍ଥିତିକୁ ଦୃଷ୍ଟିରେ ରଖି ଲାଲକିଲ୍ଲାର ଉତ୍ସବ ସ୍ଥଳୀରେ ଉପସ୍ଥିତ ନିମନ୍ତ୍ରିତ ଅତିଥିମାନେ କେନ୍ଦ୍ର ସ୍ୱ୍ୱରାଷ୍ଟ୍ର ମନ୍ତ୍ରଣାଳୟ ଓ ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଜାରି କରାଯାଇଥିବା ନିୟମାବଳୀ ପାଳନ କରିବାପାଇଁ ଦିଲ୍ଲୀ ପୁଲିସ୍‌ ଅନୁରୋଧ କରିଛି । ଏହି ଉତ୍ସବ ପାଇଁ à­ª ହଜାର ସୁରକ୍ଷା କର୍ମୀ ମୁତୟନ ରହିବେ ଏବଂ ସେମାନେ ସାମାଜିକ ଦୂରତ୍ୱ ମଧ୍ୟ ବଜାୟ ରଖିବେ । ଲାଲକିଲ୍ଲା ଅଞ୍ଚଳରେ ଏନ୍‌ଏସ୍‌ଜି କମାଣ୍ଡୋ, ସ୍କାଉଟ୍‌ କମାଣ୍ଡୋ ଏବଂ ଗୁଡ଼ି ଧରାଳୀମାନଙ୍କୁ ନେଇ ଏକ ବହୁସ୍ତରୀୟ ସୁରକ୍ଷା ବଳୟ ସୃଷ୍ଟି କରାଯାଇଛି । ସୁରକ୍ଷା କାରଣରୁ ଜାତୀୟ ରାଜଧାନୀ ଅଞ୍ଚଳରେ ଆକାଶରେ ଉଡ଼ିପାରୁଥିବା ହଟ୍‌ ଏୟାର ବେଲୁନ୍‌, ପାରାଗ୍ଲାଇଡର୍‌ ଓ ୟୁଏଭି ଆଦିକୁ ଶନିବାର ପର୍ଯ୍ୟନ୍ତ ନିଷେଧ କରାଯାଇଛି । ସ୍ୱାଧୀନତା ଦିବସ ଅବସରରେ ଜାତୀୟ ରାଜଧାନୀ ଅଞ୍ଚଳରେ ଯାନବାହନ ଚଳାଚଳକୁ ସରଳ ଓ ନିରାପଦ କରିବାକୁ ସୁନିଶ୍ଚିତ କରାଯିବା ଉଦ୍ଦେଶ୍ୟରେ ଦିଲ୍ଲୀ ପୁଲିସ୍‌ ପକ୍ଷରୁ ଟ୍ରାଫିକ୍‌ ମାର୍ଗଦର୍ଶିକା ଜାରି କରାଯାଇଛି ।

ସୁଶାନ୍ତଙ୍କୁ ନ୍ୟାୟ ଦେବା ପାଇଁ ଆଗେଇ ଆସିଲେ ନିର୍ଭୟାଙ୍କ ମା’

Read More...

ସଂଖ୍ୟା ଗରିଷ୍ଠତା ସାବ୍ୟସ୍ତ କଲେ ଗେହଲଟ

Read More...