Anupambharat News Bureau
ମୁମ୍ବାଇ,୩୦ା୪: ବଲିଉଡ଼ ଜଗତର ଲୋକପ୍ରିୟ ଅଭିନେତା ଋଷି କାପୁରଙ୍କର ୬୭ ବର୍ଷରେ ପରଲୋକ ଘଟିଛି । ବୁଧବାର ଋଷି ହଠାତ ଅସୁସ୍ଥ ଅନୁଭବ କରିବାରୁ ତାଙ୍କୁ ମୁମ୍ବାଇର ସାର ଏଚଏନ ରିଲାଏନ୍ସ ଫାଉଣ୍ଡେସନ ହସ୍ପିିଟାଲର ଆଇସିୟୁରେ ଭର୍ତ୍ତି କରାଯାଇଥିଲା । ତେବେ ଗୁରୁବାର ସକାଳ ୯ଟାରେ ଏହି ବର୍ଷୀୟାନ ଅଭିନେତା ଶେଷ ନିଶ୍ୱାସ ତ୍ୟାଗ କରିଥିଲେ । ଋଷିଙ୍କ ହଠାତ ନିଧନ ଚଳଚଚ୍ଚିତ୍ର ଜଗତରେ ଶୋକର ଛାୟା ଖେଳାଇ ଦେଇଥିଲା । ଋଷି ୨୦୧୯ ସେପେଫମ୍ବରରେ ନୁ୍ୟୟର୍କରେ କ୍ୟାନସର ପାଇଁ ଏକବର୍ଷର ଚିକିତ୍ସା ପରେ ଦେଶକୁ ଫେରିଥିଲେ । ତାଙ୍କୁ ୨୦୧୮ରେ କ୍ୟାନ୍ସର ହେବାର ଜଣାପଡ଼ିଥିଲା । ସେଥିପାଇଁ ତାଙ୍କୁ ନୁ୍ୟୟର୍କରେ୧୧ ମାସ ୧୧ଦିନର ଚିକିତ୍ସା ପରେ ଫେରିବାକୁ ପଡ଼ିଥିଲା । ସେଠାରେ ମଧ୍ୟ ତାଙ୍କ ସହିତ ତାଙ୍କର ପତ୍ନୀ ନିତୁ କପୁର ଥିଲେ । ସେ ସମୟରେ ତାଙ୍କର ପୁତ୍ର ରଣବୀର ନୁ୍ୟୟର୍କ ନିୟମିତ ଯାଉଥିଲେ । କିଛିଦିନ ପୂର୍ବରୁ ସେ ନିଜର ଚିକିତ୍ସା ବିଷୟରେ କହିବା ସମୟରେ କହିଥିଲେ ଯେ ମୁଁ କାମ କରିବା ପାଇଁ ବହୁତ ଫ୍ରେସ ଏବଂ ପ୍ରସ୍ତୁତ ଅଛି । ମୁଁ କ୍ୟାମେରା ସାମ୍ନା କରିବାପାଇଁ ଖୁବ୍ ଉତ୍ସାହିତ । ମୋର ବିଶ୍ୱାସ ମୁଁ ଅଭିନୟ ଭୁଲିଯାଇ ନଥିବି । ୧୯୫୨ରୁ ୨୦୨୦ ପର୍ଯ୍ୟନ୍ତ ଦୀର୍ଘ ଛ’ ଦଶନ୍ଧୀରୁ ଊର୍ଦ୍ଧ୍ୱ ସମୟ ଧରି ଏହି ଅଭିନେତାଙ୍କ ଲମ୍ବା କ୍ୟାରିୟରେ ଭାରତୀୟ ସିନେମା ଜଗତକୁ ବହୁ ସୁପର ଡୁପର ହିଟ୍ ଚଳଚ୍ଚିତ୍ର ଦେଇଛନ୍ତି । ଏଥିସହିତ ଅଭିନୟର ଲମ୍ବା ଯାତ୍ରାରେ ଅନେକ ଗୁଡ଼ିଏ ସମ୍ମାନ ସାଉଁଟିଥିଲେ ସେ । ପ୍ରଥମଥର ପରଦାରେ ହିରୋ ଭାବରେ ଫିଲ୍ମ ବବିରେ ଚମତ୍କାର ଅଭିନୟ ପାଇଁ ଫିଲ୍ମ ଫେୟାର ଆୱାଡ଼ ପାଇଥିଲେ । କି;ୁ ଏହା ପୂର୍ବରୁ ସେ ମାତ୍ର ତିନିବର୍ଷ ବୟସରେ ବଡ଼ ପରଦାରେ ଦେଖାଦେଇଥିଲେ । ପିତା ରାଜ କାପୁରଙ୍କ ଶ୍ରୀ-୪୨୦ରେ ଲୋକପ୍ରିୟ ‘ପ୍ୟାର ହୁଆ ଇକରାର ହୁଆ...’ ଗୀତରେ ବର୍ଷାରେ ଭିଜୁଥିବା କୁନି କଳାକାରଟି ଥିଲେ ନିଜେ ଋଷି । ଏହାପରେ ମେରାନାମ ଜୋକର ଫିଲ୍ମରେ ରାଜ କାପୁରଙ୍କ ପିଲାଦିନର ଚରିତ୍ରରେ ଶିଶୁ କଳାକାର ଭାବରେ ମଧ୍ୟ ଦେଖା ଦେଇଥିଲେ । କି;ୁ ହିରୋ ଭାବରେ ବବି ଥିଲା ତାଙ୍କର ପ୍ରଥମ ଫିଲ୍ମ । ମେରାନାମ ଜୋକର ପାଇଁ ଜାତୀୟ ସମ୍ମାନ
ଠାରୁ ଆରମ୍ଭ କରି ଫିଲ୍ମ ଫେୟାର, ଲାଇଫ ଟାଇମ୍ ଆଚିଭମେଣ୍ଟ ଆୱାର୍ଡ଼ ମଧ୍ୟ ପାଇଥିଲେ । । ପ୍ରେମ ରୋଗ, ଚାନ୍ଦିନୀ, ପ୍ରେମଗ୍ରନ୍ଥ, ଦିୱାନ, ଦାମିନୀ ଭଳି ବହୁ ହିଟ୍ ଚଳଚ୍ଚିତ୍ରରେ ଋଷିଙ୍କ ନିଖୁଣ ଅଭିନୟ ଦର୍ଶକଙ୍କ ମଧ୍ୟରେ ଏକ ସ୍ୱତନ୍ତ୍ର ଛାପ ସୃଷ୍ଟି କରିଥିଲା । ଏପରିକି ସିନେମା ପ୍ରତି ଅବଦାନ ପାଇଁ ରୁଷ ସରକାର ମଧ୍ୟ ତାଙ୍କୁ ସମ୍ମାନୀତ କରିଥିଲେ । ମହାନାୟକ ଅମିତାଭ ବଚ୍ଚନ ଋଷି କାପୁରଙ୍କର ମୃତୁ୍ୟର ସୂଚନା ଦେଇଛନ୍ତି । ଅମିତାଭ ବଚ୍ଚନ ଟୁଇଟ୍ କରି କହିଛନ୍ତି- ସେ ଚାଲିଯାଇଛନ୍ତି । ମୁଁ ବହୁତ ଭାଙ୍ଗିପଡ଼ିଛି ।
