Anupambharat News Bureau
ଭଦ୍ରକ, ୨ା୧୧ (ଅନୁପମ ମିଡିଆ) ମା’ ସାମ୍ନାରେ ଜଳିଗଲା ଝିଆ ପାରୁପର୍ଯ୍ୟନ୍ତ ଚେଷ୍ଟା କରି ମଧ୍ୟ ଝିଅକୁ ବଞ୍ଚାଇ ପାରିଲାନି ମା’ । ୯୯ପ୍ରତିଶତ ପୋଡ଼ିଯାଇଥିବା ଝିଅକୁ ସ୍ଥାନୀୟ ଲୋକେ ଭଦ୍ରକ ଜିଲ୍ଲା ମୁଖ୍ୟ ଚିକିସିାଳୟରେ ଭର୍ତ୍ତୀ କରିଥିଲେ ମଧ୍ୟ, ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ । ମୃତକାଜଣକ ହେଲେ ଭଦ୍ରକ ବ୍ଲକ ଅଣ୍ଡେଇପଲ୍ଲୀ ନିକଟସ୍ଥ ସିଙ୍ଗଡ଼ା ଗ୍ରାମର ସୁନିତା ପରିଡ଼ା(୨୧) । ଘଟଣା ଘଟିଛି ଭଦ୍ରକ ଗ୍ରାମାଞ୍ଚଳ ଥାନା ଅଧିନସ୍ଥ ସିଙ୍ଗଡ଼ା ଗ୍ରାମରେ । ସୂଚନା ଅନୁଯାୟୀ ସୁନିତା ଆଜି ରାତିରେ ରୋଷେଇ କରୁଥିବା ସମୟରେ ତା’ ଡ଼୍ରେସରେ ନିଆଁ ଲାଗି ଯାଇଥିଲା । ଭୟରେ ପଛକୁ ଫେରି ଆସୁଥିବା ସମୟରେ ରୋଷେଇ ଘରେ ଥିବା ଏକ କିରୋସିନି ଡ଼୍ରମକୁ ଝୁଣ୍ଟି ପଡ଼ିଥିଲା । ଫଳରେ ନିଆଁ ଭୟଙ୍କର ଆକାର ଧାରଣ କରିଥିଲା । ଏପରି ଅବସ୍ଥା ଦେଖି ସୁନିତାଙ୍କ ମା’ ଏକ କମ୍ବଳ ସାହାର୍ଯ୍ୟରେ ନିଆଁ ଲିଭାଇଥିଲେ । କିନ୍ତୁ ସେତେବେଳକୁ ସୁନିତା ଶରୀରର ୯୯ ଭାଗ ପୋଡ଼ି ଯାଇଥିଲା । ସ୍ଥାନୀୟ ଲୋକେ ସୁନିତାକୁ ଜିଲ୍ଲା ଚିକିସିାଳୟକୁ ଆଣିଥିଲେ ମଧ୍ୟ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ଗ୍ରାମାଞ୍ଚଳ ପୁଲିସ ଏହି ଘଟଣାରେ ଏକ ଅପମୃତୁ୍ୟ ମାମଲା ରୁଜ୍ଜୁ କରି ତଦନ୍ତ କରୁଛି ।
