Anupambharat News Bureau
କଟକ, ୮ା୭ ସେଲଫି ନେବା ଏକ ମାନିଆରେ ପରିଣତ ହୋଇଥିବା ବେଳେ ନେତାଜୀ ସେତୁ ଉପରେ ସେଲଫି ନେଇ କାଠଯୋଡି ନଦୀକୁ ଖସିପଡିଲେ ମା’ ଓ ଝିଅ । ତେବେ ସୌଭାଗ୍ୟବଶତଃ ଅଗ୍ନିଶମ ବିଭାଗର ସମୟୋଚିତ ପଦକ୍ଷେପ ଫଳରେ ଅଳ୍ପକେ ରକ୍ଷା ପାଇଯାଇଛନ୍ତି ଉଭୟ । ମିଳିଥିବା ସୂଚନା ଅନୁଯାୟୀ ଆଜି ଦିନ ପ୍ରାୟ ୪ଟାରୁ ସାଢେ ୪ଟା ମଧ୍ୟରେ ଭୁବନେଶ୍ୱର ଭିଏସଏସ ନଗରରୁ ଅଳି ମହାନ୍ତି(୪୦) ଓ ତାଙ୍କ ଝିଅ ରୁତୁପର୍ଣ୍ଣା(୧୭) ଓଡି୦୫-ଏଏଲ-୩୦୭୨ ନମ୍ବର ବିଶିଷ୍ଟ ଏକ ଆକଫିଭାରେ ଆସି ସେତୁ ଉପରେ ସେଲଫି ନେଉଥିବା ସମୟରେ ନଦୀକୁ ଖସିପଡିଥିଲେ । ଉପସ୍ଥିତ କେତେକ ବ୍ୟକ୍ତି ତତକ୍ଷଣାତ୍ ବାରଙ୍ଗ ଥାନା ଓ ଅଗ୍ନିଶମ ବିଭାଗକୁ ଖବର ଦେଇଥିଲେ । ବାରଙ୍ଗ ଥାନା ଅଧିକାରୀ ଶଶୀକାନ୍ତ ରାଉତ ସଦଳବଳେ ଘଟଣାସ୍ଥଳରେ ପହଂଚି ଉଦ୍ଧାର କାର୍ଯ୍ୟ ତଦାରଖ କରି ଉଭୟ ମା’ ଓ ଝିଅଙ୍କୁ ଘରକୁ ପଠାଇଥିଲେ ।
